Tras sumar galegos e castellonenses dúas vitorias consecutivas, o 2014 afróntase con outro aire e obviamente con diferentes sensacións. É o momento de confirmar o bo ton e acometer a segunda volta en boa dinámica. Será xa que logo un test ideal para ambos, onde o factor cancha podería pesar e moito. Os de Yago Casal recuperaron fai semanas efectivos e Diop cada día vai a máis. Coa consistencia de Taylor e Merino na liña exterior parece que Cambados recupera o bo xogo do inicio de Liga. No mesmo camiño atópase o equipo de Toni Ten, que ao fin vai podendo contar co lesionado Alvarado en condicións. Aínda que o perigo valenciano realmente vén por dentro: as torres xemelas, Ausina e Atoyebi, vello conocido da afición amarela pois xogou no Marín fai uns anos, son a chave.
A seguir: O MVP Ola Atoyebi pechou o 2013 ao grande. Dous MVP seguidos e actuacións memorables. A pouco que os turrones sentáronlle ben o pívot norteamericano volverá ser a gran preocupación do rival de quenda, neste caso Conservas de Cambados.
O dato: As 28 capturas por partido dos galegos é a marca máis baixa da Liga. Un dato perigoso tendo en conta o poder reboteador da parella interior visitante.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.