A XUSTICIA EUROPEA CONSIDERA ILEGAL O CÉNTIMO SANITARIO.

O avogado xeral do Tribunal de Xustiza da UE (TUE), Nils Whal, ditaminou este xoves que o 'céntimo sanitario' -o imposto sobre os carburantes que aplican algunhas comunidades autónomas e cuxos ingresos destinar a financiar a sanidade- vulnera a lexislación comunitaria. 

España podería ter que devolver 13.000 millóns de euros, aínda que o dictame admite que se poderían limitar os efectos no tempo da sentenza final. 
En Galicia o denominado céntimo sanitario foi introducido desde 2004, na época de José Antonio Orza, conselleiro de Economía con Manuel Fraga, para mitigar o impacto do envellecemento poblacional no gasto sanitario. 

A maiores, os orzamentos da Xunta para 2014 prevén aplicar outra subida do imposto sobre hidrocarburos, o que suporá un incremento de 3,6 céntimos de euro por litro de gasóleo e de 2,4 céntimos no caso da gasolina. Segundo as previsións do Goberno galego, esta subida do tramo autonómico do imposto especial de hidrocarburos supoñerá unha recaudación adicional de 53 millóns de euros, que se destinarán a gasto sanitario. Galicia alcanza desta forma o tope impositivo permitido, pero o departamento de Facenda alegou que con este incremento se equipara o imposto de hidrocarburos a o que teñen establecido a maioría das comunidades.

53 millóns de euros que cecáis non cheguen as arcas da Xunta polo que xa se encargará de encontralos nos petos dos cidadán.
 As previsións da Xunta son que este aumento non afectará ao sector profesional (transportistas), que tributará como ata agora, nin ao gasóleo de usos especiais, que é o que se emprega en sector primario (agricultura e pesca) e en calefacciones dos fogares.