REMATA O PROCESO DE ARBITRAXE DAS PREFERENTES

Mantense a manifestación para o sábado 10 en Sanxenxo.

O proceso de arbitraxe ao que se someteu Novagalicia Banco pola comercialización de participacións preferentes e obrigacións subordinadas das antigas caixas de aforro galegas chega ao seu fin esta semana. Cando conclúa, máis de 37.600 clientes recuperarían o 100% dos seus aforros.

O Instituto Galego de Consumo, que depende da Consellería de Economía e Industria da Xunta de Galicia, atenderá aínda estes días a máis de 1.500 persoas, posto que a previsión é que o ritmo mantéñase en 520 vistas diarias entre o luns e o mércores, mentres que para o xoves quedarán apenas unha veintena de reclamantes.

De feito, segundo confirmaron fontes coñecedoras do procedemento, o número de laudos emitidos polos árbitros de Consumo rolda os 40.000 a falta dos últimos casos, todos eles favorables aos usuarios da entidade crediticia.

Esta diferenza coas previsións de NCG, que sitúa o número final en 37.688 débese a que a institución financeira refírese aos clientes que van ver reintegrado o seu diñeiro, mentres que os laudos correspóndense con cada reclamación, e hai persoas que tiñan contratado máis dun produto tóxico.