A 12 edición da Festa da Vieira de Cambados foi presentada este xoves polo patrón maior de Cambados, Benito González e o alcalde, Luis Aragunde, nun acto que tivo lugar nas instalacións da Oficina de Turismo de Cambados.
A edición deste ano celebrarase entre os días 18 e 21 de xullo, ambos os dous inclusive, no recinto de carpas montadas na Calzada e espérase que aumente considerablemente o número de visitantes e consumidores.
O xornalista e recoñecido comunicador Luis del Olmo será o encargado de facer o discurso de exaltación da vieira cuxa festa conta nesta ocasión co patrocinio das prestixiosas adegas Martín Códax. Adegas as que criticamos onte e voltaremos a facelo sempre que o creamos oportuno.
Por outra parte xa está en marcha a I Mostra da Canción Mariñeira dentro do programa da festa que inclúen numerosas actividades culturais, deportivas, musicais e gastronómicas, que se celebrarán no municipio e na zona urbana de Cambados.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.