REGULARIZACIÓN DE EMBARCACIÓNS NO PLENO DO XOVES DE CAMBADOS

Os Socialistas de Cambados presentaron no Pleno do xoves una moción consensuada cos representantes dos mariñeiros da comarca.

Tamén o BNG e o PP presentaron una moción sobre o mesmo tema pero a nosa presentaba uns matices q as outras non recollían.

Antes da celebración do Pleno, os mariñeiros presentes pedíronlle a os socialistas que defenderan a nosa moción e non pactaran a do PP, xa que ésta non lles resolvía o problema que tiñan e só  era un apaño para uns meses.

A moción levaba por título “Moción do PSdeG-Psoe sobre a actualización e adecuación de embarcacións e paralización do RD 1081/2012”.

Nela solicitaban a paralización do RD, como xa dí o seu título, unha regularización definitiva e real coas características que os armadores e propietarios declaren (e que éstas sexan o reflexo exacto das características actuais das embarcacións), que se recolla na Lei a flota de pesca artesán en contraposición á flota de gran altura e que todo isto se reflexe nunha Lei que sexa realizada en conxunto co sector pesqueiro.

O PP tentou que chegar a un acordo, pero rexeitaba o censo das embarcacións coas características reais das embarcacións amparándose no que as Confrarías e as Federacións pedían.

Desde grupo socialista Fátima Abal contestou que estaba nese pleno en representación dos traballadores do mar, que son os que a convocaron a unha xuntanza que se levou a cabo o 22 de maio, e que por tanto tiña que representar e defender ós traballadores , non ás confrarías. Os traballadores non estaban de acordo con esa moción e o grupo socialista, por tanto, ía votar en contra. Así o fixo.

A moción socialista, por orden de rexistro votouse a primeira. Votou a favor o BNG e por suposto o PsdG-Psoe, entre aplausos dos mariñeiros. O PP votou en contra.

A continuación votóuse a do BNG, con igual resultado.

Por último votouse a moción do PP, que é a que resultou aprobada por maioría cos votos dos seus concelleiros. Nese momento os mariñeiros saíron do Salón de Plenos abucheando e protestando contra o equipo de goberno e a súa hipocresía ó non querer defender os seus postos de traballo.

Unha vez rematado o Pleno, os traballadores volveron ó Salón e pediron un acordo cos portavoces municipais. Pero non se chegou a ningunha parte porque o Alcalde non se moveu da súa postura de solicitar só unha paralización do plazo de 4 meses e a non contabilización da tonelaxe e potencia pola Comisión Europea. Para ós mariñeiros esto non serve para nada e Aragunde propuxo unha reunión para o luns, que baixo a opinión de todos os que alí estaban, se tiña que ter celebrado antes do Pleno e non despois.