Co gallo desta celebración, colocarase na Insua unha escultura alegórica do Rexurdimento da lingua galega, da que é autor Pedro José Rodríguez Álvarez, ex alumno da Escola de Canteiros da Deputación de Pontevedra.
A Fundación quere manifestar tamén, perante os medios de comunicación, o seu agradecemento á Deputación de Pontevedra pola doazón do monumento, sen custo de ningún tipo, que será trasladado e colocado na Insua e á Consellería de Cultura, Educación e Ordenación Universitaria, ao Concello do Carballiño e á Asociación de Veciños de Madarnás. Asimesmo, no acto literario intervirán, entre outros escritores e personalidades do mundo cultural, o presidente da RAG, prof. Xesús Alonso Montero, os poetas Salvador García-Bodaño, Manuel Rivas, Víctor Campio Pereira, Edelmiro Vázquez Naval, os artistas plásticos Antón Lamazares, Antón Pulido, Vidal Souto, Alexandre, Nicolás González Aller, Acisclo Manzano, Xosé Cid, Manuel Penín, o actor Rubén Riós e os presidentes das Fundacións Rosalía de Castro, Manuel Curros Enríquez e Eduardo Pondal.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.