A FACULTADE DE BELAS ARTES DE PONTEVEDRA ABRE A SUA CUARTA EXPOSICIÓN NO PAZO TORRADO

O alcalde, Luís Aragunde, xunto co profesor de Belas Artes Javier Tudela, inaugurou o pasado xoves a exposición  "6 proxectos de espazo para un espazo", unha mostra realizada en colaboración entre o Concello de Cambados e a Universidade de Vigo (facultade de Belas Artes de Pontevedra). Asistiron ao acto catro dos seis artistas participantes nesta exposición, entre eles o portugués Alexandre Costa e os galegos Jesús de la Iglesia, Lucía Romaní e Carlos Suárez.

 6 PROXECTOS DE ESPAZO PARA 1 ESPAZO é a cuarta colaboración entre o Concello de Cambados e a Facultade de Belas Artes de Pontevedra. Na primeira edición do ano 2010 expuxeron os seus traballos 15 artistas egresados da Facultade. Doce proxectos máis, tamén de alumnos, víronse no 2011; o ano pasado tres artistas e profesores: Fernando Casás, Juan Fernando de Laiglesia e Manuel Moldes aceptaron o reto para un diálogo entre as súas obras, sempre no marco dos espazos do Pazo Torrado. O proxecto buscaba establecer sinergias entre as dúas institucións e materializouse mediante a firma dun convenio que outra vez renóvase: "Mantemos o diálogo para que os 25 km. que nos separan non sexan un obstáculo, para que un lugar como Cambados, tan xeneroso coa creación artística, e unha Facultade que está transformando a paisaxe da arte contemporánea galego poidan redescubrirse e conversar". Isto propoñiamos entón e niso seguimos empeñados volvendo coas nosas obras a Cambados. 

Nesta cuarta edición presentan algúns dos seus traballos seis artistas que teñen un percorrido profesional, á vez que se manteñen vinculados cos seus proxectos de investigación ao Departamento de Escultura da Universidade de Vigo. Alexandre Costa desde a súa preocupación pola entropía e o control dos procesos da creación, Jesús da Igrexa ocupado na hibridación dos procedementos de representación, Joan Morera indaga na condición dinámica e aberta da paisaxe, Lucia Romaní na complejidad do espazo público, Carlota Salgado percorre as marxes da actividade artística, e Carlos Suarez cruza as liñas fronterizas entre os asentamientos humanos e as migraciones. 

Nestes catro anos traballamos con dúas intencións: en primeiro lugar quixemos desenvolver os proxectos artísticos en relación a un marco específico o Pazo de Torrado- dialogando coas súas peculiaridades e buscando que o propio espazo sexa coprotagonista do que nel acontece. En segundo lugar constatamos o potencial da Facultade de Belas Artes de Pontevedra na transformación do ámbito das artes plásticas de Galicia. Somos conscientes desta responsabilidade, e da importancia de construír proxectos para ensaiar e redefinir os nosos obxectivos no contexto da creación plástica galega do século XXI. 




6 PROXECTOS DE ESPAZO PARA UN ESPAZO 
Pazo de Torrado 
Rúa Príncipe, 10. Cambados.
Datas: 13.06.2013 / 20.07.2013 
Inauguración: xoves 13 de xuño ás 8 da tarde 
Horario: martes a venres de 5 a 8h. 
Sábados, domingos e festivos de 11 a 1,30h. e de 5 a 8h. 
Comisario: Javier Tudela Proxecto realizado en colaboración entre o Concello de Cambados e a Universidade de Vigo