Un grupo de 15 mozos e mozas da prefectura de Wakayama, en Xapón, visitan estes días Galicia grazas ao programa de mobilidade da Xunta ‘A Xuventude no mundo’. Hoxe en concreto andan pola Ría de Arousa.
A visita dos mozos xaponeses está planificada ao milímetro para que poidan coñecer os lugares máis atractivos de ríaa de Arousa, á que chegarán a primeira hora da mañá desde Combarro. Sobre as 11.00 horas visitarán a ermida da Lanzada, punto desde o que se dirixirán ata a illa da Toxa. A visita dos xaponeses finalizará en Cambados a partir das 15.30 horas.
A conselleira de Traballo e Benestar, Beatriz Mato, recibiu onte a estes xóvenes en Santiago que estarán de intercambio na Comunidade autónoma ata o próximo domingo. En xullo terá lugar a acollida do grupo galego en Xapón.
A titular de Benestar destacou que a Dirección Xeral de Xuventude puxo en marcha ‘A Xuventude no Mundo’ no año 2010, polo que este intercambio ten lugar por cuarto ano consecutivo. Ata o momento, máis de 460 mozos e mozas tomaron parte desta campaña que oferta prazas en diferentes países.
No primeiro semestre deste ano, un total de 50 mozos galegos participarán en intercambios en Italia, Rusia e Xapón. O orzamento para desenvolver esta iniciativa será de 16.000 euros. Ademais, Mato destacou que se levarán a cabo outros programas de mobilidade e, así, ao longo de 2013 ofertaranse preto de 2.500 prazas de mobilidade para a mocidade.
Kumano Kodo
Wakayama e Galicia están irmandados desde hai máis de 15 anos. En 1997 asinouse un documento de irmandamento entre o Camiño de Santiago e o Kumano Kodo, a ruta de peregrinación propia desta rexión xaponesa.
Deste xeito, o Camiño e o Kumano Kodo son as dúas únicas rutas de peregrinación recoñecidas pola Unesco como Patrimonio da Humanidade en todo o mundo.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.