PRONTO COMEZARÁN AS OBRAS NO SACO DE FEFIÑÁNS

O Saco de Fefiñáns (Cambados) recibe actualmente verteduras fecais a través de doce puntos negros. Augas de Galicia vai executar un proxecto co fin de eliminalos e dotar á zona dunha rede que garanta o saneamento desta enseada no futuro. A previsión do departamento autonómico é que as obras comecen este mesmo ano e finalicen ao longo do 2014 e que estas sirvan para recuperar a enseada para o marisqueo, actualmente pechada rexistrar un alto índice de contaminación. 
As obras teñen un orzamento de 1,2 millóns de euros e implicarán a instalación de case un quilómetro de tubaxes, tres estacións de bombeo e un tanque de tormentas, que se situará no Pombal, do tamaño dunha piscina. O proxecto foi presentado esta mañá no Concello de Cambados polo director de Augas de Galicia, Francisco Menéndez, e inscríbese dentro do plan de saneamento da ría de Arousa.


Fonte: A Voz de Galicia