MANIFESTACION DE STOP DESAHUCIOS

O colectivo Stop Desahucios manifestouse a última hora de onte polas rúas das principais cidades galegas para reivindicar o dereito á vivenda como un dereito "sobre todo, humano, e non só constitucional". En Santiago algo máis de medio centenar de persoas secundaron a movilización na que este colectivo esixiu a paralización de todos os procesos de desahucio en marcha e a dación en pago con efecto retroactivo, entre outras "esixencias". Ademais, tamén reivindican un parque de aluguer social das vivendas "incautadas pola banca", xa que o dereito á vivenda "debe estar por encima do mercado". Tamén pediron que se depuren responsabilidades penais, políticas e de xestión no conxunto da banca. "Todos somos vítimas de estáfaa inmobiliaria e dos bancos, que actuaron de mala fe", afirma Stop Desahucios, que considera que cada desahucio é "un asasinato" e non únicamente os que terminan en suicidios, xa que as persoas que os sofren, "as vítimas, atópanse moitas veces en auténticas situacións de morte social: sen casa, sen traballo e con débedas insostenibles". Entre os manifestantes en Santiago estaba o portavoz de AGE, Xosé Manuel Beiras. As concentracións tamén foron apoiadas polo sindicato CIG e o BNG, con Ana Pontón e Ruben Cela cabeza, que animaron a acudir ás manifestacións.