OUTRO TRAMO A DESDOBRAR DA VIA RAPIDA DO SALNES

O conselleiro de Medio Ambiente, Territorio e Infraestruturas, Agustín Hernández, avanzou este sábado que a finais da próxima semana sairá no Diario Oficial de Galicia (DOG) o anuncio da apertura do proceso de información pública para realizar o desdobre da vía rápida do Salnés, no seu tramo entre Sanxenxo e A Lanzada.

Así, Agustín Hernández explicou que o proxecto conta cun orzamento basee de licitación duns 29 millóns de euros, para un total de 6,7 quilómetros que supón desdobrar a vía rápida do Salnés no seu tramo entre o enlace de Sanxenxo (punto quilométrico 17+300) e a intersección coa PO-550 na Lazada (punto quilométrico 24).

Diso informou este sábado o conselleiro na inauguración da estrada provincial Sanxenxo-Bordóns-Samieira, --nun acto ao que acudiu o presidente da Deputación de Pontevedra, Rafael Louzán-- onde remarcou que esta obra axudará á mobilidade do Salnés, do mesmo xeito que o enlace de Curro, o cal se puxo en servizo parcial hai uns días e que se finalizará por completo en cuestión de semanas".

O prazo de execución desta obra terá 24 meses, coa que se busca beneficiar ás case 45.000 habitantes das localidades pontevedresas de Meis, Sanxenxo e O Grove.