A Garda Civil abreu unha investigación para localizar ao responsable do roubo que sufriu a filla da propietaria dun estanco da localidade pontevedresa de Vilanova de Arousa cocretamente de San Miguel de Deiro, á que, supostamente, un individuo subtraeu a recadación que esta ía ingresar nunha entidade bancaria facéndose pasar por policía.
Segundo a Comandancia da Garda Civil de Pontevedra, cando no mediodía do pasado martes esta muller dirixíase en coche a Cambados para ingresar o diñeiro da recadación, ao redor de 20.000 euros, nunha sucursal bancaria desta localidade, foille dado o alto por unha persoa que lle ensinou unha placa e díxolle que "era policía", para logo intimidala cunha "arma branca" e subtraerlle o diñeiro.
Estes feitos motivaron a presentación dunha denuncia no cuartel de Cambados na mañá do mércores e están a ser investigados pola Garda Civil.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.