Os pacientes que precisan tratamentos de logopedia na
comarca souberon hai quince días que se lles reducían as sesións sen ter
recibido unha explicación de por que se tomaba esa decisión, aínda que
sospeitan que é un recorte máis pola crise. Dúas semanas despois de ter
sido informados polos propios centros concertados da redución das
sesións, seguen sen unha explicación oficial, por iso algúns denunciaron
os feitos ante o Valedor do Pobo.
Tamén o PSOE fíxose eco do problema, e de feito,
os deputados socialistas Carmen Acuña e Modesto Pose presentaron unha
pregunta para que lla respondan no Parlamento na que se interesan polo
«recorte súbito á metade do servizo de logopedia en Vilagarcía», unha
cuestión que, segundo os socialistas, afecta a uns 200 pacientes do
Salnés.
A alerta lanzárona pais de nenos
autistas que, hai quince días, foron informados polos centros concertados
nos que recibían as sesións de logopedia de que dito servizo quedaba
reducido á metade, é dicir, que quen recibía catro sesións á semana
quedaba con dúas. E todo iso sen un informe do especialista que o
avalase.
O peor de todo isto foi que se fixo sen previo aviso a os pais ou titures dos pequenos. Primeiro recorta e despois igual dan as debidas explicacións.
3 comentarios:
Grazas Xusto por facerte eco desta noticia...
So che quero pedir un pequeno favor, non uses a palabra autista, é mellor que poñas nenos con autismo ou persoas con autismo, igual che parece unha tontería pero que tal che soaría en vez de persoa con cáncer "canceroso"????
Temos moitos frentes abertos pero este tamén é importante, o uso correcto do término autismo e de persoas con autismo. grazas anticipadas.
Un saúdo
Cuca da Silva
Disculpame por empregar ese termo. Apartires de agora usarei os termos que me suxires.
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.