PROTESTA CONTRA A ESTATUA DE FRAGA

Preto de 250 persoas congregáronse onte pola tarde na Praza do Concello de Cambados para deixar constancia do seu rexeitamento á instalación da escultura de Manuel Fraga.

 Algúns dos opositores máis destacados ao proxecto mostraron a súa satisfacción coa asistencia, e deixaron a porta aberta a futuros actos de protesta.

A concentración non foi tan numerosa como agardaban os "convocantes", a choiva tamén restou xente, nin tan pequena como auguraban dende a alcaldía cambadesa.
En algúns dos grupos de amigos xa se falaba de novas concentracións e incluso de manifestacións para facer máis forte a sua oposición a estatua. 
Tamén se preguntaban que si fose verdade que a idea fora dos viticultores por que non se dixo de principio e porque o Concello foi, segundo a prensa quen encargou a estatua.

A concentración organizouse por dúas vías: unha formal, capitaneada por Galiza Nova –mocidades do BNG– e outra informal, que se xestou a través das redes sociais de internet, e segundo a cal os alí presentes quedaran na praza cun amigo, ardid co que esquivaban calquera eventual sanción da Subdelegación do Goberno.

Ás 20,15 horas a praza presentaba un aspecto desangelado, pois apenas había dúas parellas de mozas na mesma. Pero o panorama cambiou nun dez minutos. Para entón xa se formaron varios grupos, e Galiza Nova empezou a repartir adhesivos que representaban un sinal de prohibido aparcar co rostro de Manuel Fraga ao fondo. Os mozos do Bloque despregaron despois unha pancarta coa lema "Ningún homenaxe a Fraga. Máis emprego para a mocidade", mentres que os membros de Xuventudes Socialistas colocábanse ao seu lado e despregaban outra, na que se lía "Estatua de Fraga. Nin de bronce!". Coreáronse consignas en contra da homenaxe e houbo aplausos.

A concentración contou coa "vixiancia" dun coche da Garda Civil con dous axentes uniformados e outros dous de paisano.