PARA CANDO UNHA COMISION DE INVESTIGACION?

O presidente da Xunta di que se fará pero que polo dagora non é o momento. Cando será o momento sr. Feijoo?

A situación financeira de Novagalicia Banco e o rescate á banca anunciado esta fin de semana polo Executivo central acapararon onte o debate no Parlamento de Galicia. PSdeG e BNG volveron a alzar a voz para esixir ó Goberno da Xunta que cree unha comisión de investigación para que os responsables das Caixas de Aforro poidan render contas á poboación sobre a súa xestión. O titular do Goberno Galego, Alberto Núñez Feijoo, reiterou que esa comisión se creará, pero cando se coñezan as necesidades de recapitalización de Novagalicia Banco. 

 

Desde a oposición, o líder do PSdeG, Pachi Vázquez, propuxo a creación dunha ‘fronte común’ entre tódolos partidos galegos para solicitar ó Banco de España que, unha vez se produza esa recapitalización, NGB non se ‘subaste por un euro’. 

 

No BNG contribuíron a aumentar a tensión plenaria cando varios deputados exhibiron unha pancarta co lema ‘rescate para a banca, roubo para o pobo’, mentres a súa voceira, Ana Pontón, acusou a Feijoo de tratar de impedir a investigación ‘porque sabe que pode haber responsabilidades penais’.