MOBILIARIO PARA O SALON DE "CONGRESOS" DE PEÑA

    Tamén se dotarán cadeiras para o público con 80.000 euros do FOMIT

 

O goberno municipal vai mercar un escenario móbil emais cadeiras para completar o equipamento do salón de congresos José Peña, cun investimento de 80.688 correspondentes ao crédito estatal Fondo Financieiro do Estado para a Modernización das Infraestruturas Turísticas (Fomit).

A plataforma escenario é funcional, está composta de módulos, cunhas dimensións de 14 metros de ancho por 12 de fondo; pódese ampliar ou recurtar para adaptalo a distintos formatos de actuación. O sistema modular homológao para acoller todo tipo de espectáculos, tanto para un concerto individual, dun cantautor ou dun monologuista, por exemplo, como para a actuación dunha orquestra sinfónica ou coreografía de baile.

Esta nova instalación sobresae pola súa versatilidade. A estrutura é de aluminio moi resistente e o solo rugoso, non esvaradizo, para espectáculos de danza, concertos e similares. Dispón de dúas escaleiras, rampa e varandillas quitamedos protectores nos laterais e parte traseira. Tamén conta con apoios telescópicos adaptables a calqueira altura, entre 0,60 e 1,80 metros.