INDIGNADOS DE GALIZA

Madrid

Pasados tres dias dende o sábado e no propio dia do aniversario imos resumir como foi o sábado "indignado" nas principales cidades galegas. 

Os indignados galegos volveron ás rúas para alzar un berro contra a clase política e celebrar o aniversario da 'toma de Sol', cando naceu o chamado movemento 15M, que tivo as súas réplicas en ducias de países.

Vigo

As manifestacións e concentracións nas cidades galegas non foron convocadas, nesta ocasión, ás mesmas horas. Deste xeito, A Coruña foi a encargada de dar o pistoletazo de saída cunha marcha que partiu da Praza da Palloza e que congregou a 4.000 persoas. O seu destino era o Obelisco, onde celebran unha nova asemblea.

Tamén foi multitudinaria a marcha de Vigo, o punto de partida estaba fixado na Praza de España, desde onde a manifestación se trasladou á Praza da Estrela, lugar no que se atopa o edificio da Xunta.

Lugo

En Lugo, a Praza Maior acolleu, ademais da concentración, que comezou ás 18.30 h., un mercadiño solidario e varias actividades lúdicas como un taller de pancartas ou representacións teatrais. Con todo e do mesmo xeito que no resto de cidades galegas, o volume de xente que participou nos actos estivo por baixo do rexistrado noutras convocatorias.

Compostela

Unha vez máis, Compostela mostrouse como unha das cidades máis reivindicativas ao tomar de novo a Praza do Obradoiro baixo a lema de Non nos resignamos. Pola súa banda,Mobilización global foi a frase escollida polos ferroláns, que se concentraron na Praza de Armas.

Ferrol

Finalmente, en Pontevedra, a marcha, na que participaron centos de persoas partiu e finalizou en Montero Ríos.