FERRAMENTAS POLA INCLUSION

A elección da Illa de Arousa como sede destas xornadas non foi unha casualidade. Desde hai tempo, o Concello insular é un dos que máis se involucran no apartado da inclusión e a integración das persoas con autismo. Non en balde, instalou pictogramas en toda a sinalización municipal para facilitar o desprazamento destas persoas.

 A asociación "Por Dereito" elixiu A Illa de Arousa como sede das súas primeiras xornadas sobre a inclusión.  "Ferramentas para a inclusión",é o título desta xornadas onde a entidade quere expor as experiencias que nese camiño tiveron lugar nas aulas de tres centros de educación ordinarios. O tres colexios nos que se realizou esta iniciativa foron o Vagalume de Vilagarcía, o CEIP As Covas de Meaño e o IES Leiras Pulpeiro de Lugo.

Ademais, a asociación BATA aproveita as xornadas para presentar o seu servizo de emprego con apoio e a súa rede social de apoio, mentres que a Plataforma TEA Inclusión Si fará un repaso pola situación á que se enfrontan os nenos con trastorno do espectro autista no ámbito escolar.

O lecer será outra das cuestións que se vai a abordar, neste caso por membros do colectivo organizador. Así, Por Dereito explicará as numerosas actividades inclusivas que se están desenvolvendo nos municipios de Cambados e A Illa, onde fai tan só unhas semanas, celebrouse un taller con Pepe Carreiro e o seu conto "Ou con dá Illa".

Arasaac, portal aragonés de comunicación aumentativa, vai adiantar na Illa a presentación nacional do seu novo proxecto: un software que permitirá a comunicación mediante tabletas dixitais a persoas con trastornos da comunicación e linguaxe.

As xornadas, que nestes momentos contan xa con máis de 100 persoas inscritas, están dirixidas a varios colectivos moi determinados, como poden ser o profesorado, asociacións, familiares de persoas con diversidade funcional e estudantes do ámbito educativo e social. O prazo de inscrición nesta actividade finaliza o vindeiro domingo, e o custo de participación é de tan só 25 euros.

A elección da Illa de Arousa como sede destas xornadas non foi unha casualidade. Desde hai tempo, o Concello insular vén dando importantes pasos para a integración das persoas con autismo. Non en balde, instalou pictogramas en toda a sinalización municipal para facilitar o desprazamento destas persoas.