SEGUNDO GRUPO CONFIRMADO PARA O ALBARIÑO´16

O grupo barcelonés A CÁMARA LENTA é o segundo dos concertos confirmados para a Festa do Albariño´16.
Así o confirmou o propio grupo a través dos seus perfís nas redes sociais.

Será o sábado 6 de agosto, como non, na praza de Fefiñáns.

"A cámara lenta", unha banda que lembra a ese pop rock dos 90 que tanto nos gustaba a todos. Esas melodías pegadizas, sensuais e rebeldes ao mesmo tempo, acompañadas dunhas letras que chegan ata os oídos desexados.

A música da cámara lenta aparece chea de ritmos que fan que non penses na rutina, que che transportan á realidade na que anhelas estar sen nin sequera darte conta. Porque escoitar a esta banda, sen dúbida, entra dentro dos teus mellores plans.
Para coñecelos máis, podedes dar un paseo pola súa páxina web, con cantidade de material multimedia (videoclips, directos) e cunha apetitosa información sobre o grupo.

A cámara lenta sabe comunicar cos seus fans, obsérvase en gran medida da interacción que existe a través das redes sociais, como facebook. A actualización constante e a fluidez de noticias sobre os seus concertos e eventos non deixa que os seus seguidores pérdanse o máis mínimo.

O grupo A cámara lenta actuou xa en Cambados nun concerto no que comparteu cartel con Modestia Aparte. Foi en agosto pasado. Pero antes de coller as súas guitarras, tiveron ocasión de coller outra guitarra moi especial, que lle regalaron no Concello de Cambados. Trátase dun cadro pintado con viño que reproduce este instrumento e que asinaba Abel Barandela. O grupo mostrouse encantado co agasallo e co recibimento que lle brindou o goberno local no consistorio, onde non faltou o albariño.