LOUZÁN SEGUIRÁ NAS LISTAS DO PP AO SENADO PARA O 26-X

O PP de Pontevedra non varía a súa lista ao Congreso para al Eleccións do 26 de xuño (encabezada por Ana Pastor e coa presenza da expresidenta da Cámara galega, Pilar Rojo, como número 3). Igualmente, continúa como suplente para a Cámara alta o expresidente do PP de Pontevedra Rafael Louzán, investigado en dúas causas xudiciais.

Si abandona o seu posto como suplente na candidatura do Congreso Jorge Caldas, o exedil de Moraña que dimitiu tras dirixir varios insultos sexistas á presidenta da Deputación de Pontevedra, a socialista Carmela Silva, á que tachou de "mala zorra".

Lembremos que o popular tivo que declarar en varias ocasións no xulgado número dous de Cambados para responder dun presunto delito de suborno polo caso dos sobreprezos no aluguer duns locais da súa propiedade en Vigo ao ex deputado provincial e concelleiro do Partido Popular en Pazos de Borbén Severino Reguera.

Na causa de Cambados mantéñense como investigados -anteriormente imputados- ademais do expresidente provincial, a súa esposa e o deputado provincial do PP e concelleiro de Pazos de Borbén, Severino Reguera, todos eles por un delito de suborno por posibles sobreprezos no aluguer duns baixos na rúa das Teixugueiras, no barrio vigués de Navia.

A outra causa é unha peza separada da "Operación Patos"

A SITUACIÓN DO CUARTEL DA GARDA CIVIL DE CAMBADOS CHEGOU AO SENADO

A senadora Autonómica socialista, Paula Fernández, subliñou que, malia que o PP tivo a oportunidade no Senado de demostrar a súa aposta por Cambados "preferiu rexeitar todas as enmendas presentadas polo Partido Socialista para a construción do novo cuartel da garda civil" xa que vetou esta infraestructura no debate dos PGE 2014 ao rexeitar a enmenda socialista. 

Con esta enmendas, o PSOE buscaba, que se habilitara nos orzamentos un investimento adicional de 300.000 euros para a construción do novo cuartel da Garda civil de Cambados "o actual cuartel quedouse obsoleto e os gardas teñen serios problemas tanto para adaptar o espazos aos novos procedementos como para aloxar ás súas familias".

A parlamentaria socialista apuntou que era necesario aprobar esta proposta de modificación "para que os orzamentos xerais do estado tivesen unha dotación suficiente e poder contratar e investir eses 300.000 euros no 2014" e recordou que a pesar que o PP de Cambados no ano 2010 criticaba abiertamente que non se incluíu esta obra nos orzamentos aínda malia que foi o propio Concello de Cambados quen non entregou a información a tempo para a súa inclusión "agora cálanse e nin sequera presionan para que os senadores populares galegos votasen a favor" apostilou. 

Desde a agrupación socialista de Cambados tampouco entenden esta postura xa que o Alcalde Luís Aragunde foi o primeiro en reprochar esta situación ao Psoe cando estaba gobernando. 
Unha vez que esta foi incluída nos Orzamentos, o Alcalde Aragunde presentou a documentación debida para poder levar a cabo a obra, fóra de prazo. Agora que eles están gobernando, vólvese nuevamente a presentar por parte do Psoe, a posibilidade de arranxar o cuartel da garda civil e son eles os que votan en contra. 

A Portavoz do PSOE no Concello de Cambados, Fátima Abal, asegurou que se trata doutro exemplo das mentiras do Partido Popular, "non quixeron que se levase a cabo a obra no ano 2010 tras presentar tarde a documentación e agora que están no Goberno votan en contra dunha obra tan necesaria para Cambados como é o arranxo do Cuartel da Garda Civil. Isto dá a entender que no 2010 entregaron a documentación fóra de prazo á mantenta, para que a obra non se fixese". 

Así mesmo, Fátima Abal afirmou que Luís Aragunde debe dar explicacións de por que non quere que Cambados conte cun novo cuartel da Garda Civil e presentará unha pregunta por escrito sobre este tema para o Pleno do xoves 19.