CONCERTO BENÉFICO A FAVOR DE GaliciAME

O próximo domingo día 25 de Outubro ás 19:00h, Antonio Seijo e Skylight estarán co seu "Tributo ao Pop" no Auditorio de Ribadumia. 
Este concerto patrocinado pola Deputación de Pontevedra e o Concello de Ribadumia, celébrase a favor da asociación GaliciaAME, a entrada será de 3€ e irá íntegra para a devandita asociación. 

O concerto comezará ás 19:00 e as entradas (3€) poderánse comprar a través de:

GaliciAME (666 251 677), Asociación de Mulleres Rurais As Saíñas (687 968 888), Os Demos da Petaca (607 070 846) e Autos Juan (664 669 458)

Non volo perdades!!!! 
Esperámosvos!!!!!

UNHA FIN DE SEMANA INESQUECIBLE

Trece familias compartiron estes días actividades e experiencias en Cambados. Todos teñen algún membro que padece AME, atrofia muscular espiñal. Unha enfermidade rara que fai que se vaia perdendo forza muscular. A maioría dos casos prodúcense en nenos. En Galicia hai nove casos rexistrados.

A Merchi Fernández, organizadora do encontro, diagnosticáronlle AME, Atrofia muscular espinal a comezos deste ano. Unha enfermidade da que apenas sabía nada. "Aféctame en todo, a todos os músculos do pescozo para abaixo. Hai días que non podo camiñar, bloquéanse partes do corpo. Os nosos musculos vanse consumindo", explicaba Merchi.

A maioría dos casos preséntanse en nenos. 
Estes días familias de toda España reúnense en Cambados para compartir experiencias e tamén para que os cativos se coñezan. "Xogamos ao fútbol, coñecin xente nova e vimos os títeres", "o que fixemos foi comer e xogar e xogar", "vimos marionetas e xogamos ao fútbol, pero aínda quedan máis cousas", comentan con ilusión os pequenos.

En España hai uns 1.500 casos rexistrados, nove na nosa comunidade.