O DOG PUBLICA HOXE A APROBACIÓN DA PRIMEIRA LEI DE PORTOS AUTONÓMICA

O Diario Oficial de Galicia publica hoxe a aprobación da Lei de Portos, a primeira con carácter autonómico, que rexerá a xestión dos 122 peiraos dependentes da Administración autonómica. A Consellería do Mar impulsou esta norma centrada na realidade portuaria galega e que entrará en vigor nun prazo de seis meses.

A nova lei será de aplicación no conxunto dos portos dependentes da Xunta de Galicia. Dada a extensión e complexidade do seu ámbito de aplicación, o texto foi consensuado pola Consellería do Mar cos principais representantes do sector marítimo e portuario así como coas administracións e institucións implicadas.

A nova normativa mellora a oferta de servizos portuarios e axiliza a tramitación administrativa en todo o relativo ao peiraos que xestiona a Consellería do Mar a través de Portos de Galicia. O articulado do texto fai referencia á regulamentación de todas as actividades que conviven nos peiraos galegos: profesional, náutico recreativa, comercial e de recreo ou complementarios vinculados ao litoral.

Co obxectivo de establecer un marco regulador organizativo e de colaboración que abarque todas estas actividades a modo de infraestrutura portuaria en rede, a lei recolle aspectos relativos a accesibilidade e adaptación constante das infraestruturas e servizos, a relación dos portos coa vila e a intermodalidade entre vías de transporte, entre outros. Entre os principais puntos do seu contido destaca tamén a promoción da competitividade e reactivación da actividade económica e a apertura progresiva dos servizos portuarios a inversores. Entre o reforzo das garantías de cara aos inversores, contémplase a ampliación do prazo das concesións, de 30 a 50 anos, e a transparencia no procedemento de concesión dos servizos recuperando o trámite de competencia.

Polo que respecta á ordenación do solo portuario contémplase a creación de plans especiais que recollen a planificación específica de cada peirao e a zonificación das actividades que se desenvolven nel. Ademais, impulsarase a coordinación áxil cos concellos para dotar aos portos dos instrumentos necesarios de planificación e ordenamento. Finalmente, recóllese, así mesmo, a figura dos plans directores de infraestruturas que planificarán a dotación de obras necesarias en cada caso nun horizonte temporal mínimo de 5 anos. 

36 CONCELLOS GALEGOS EN PERIGO POLA NOVA LEI DE COSTAS

Un total de 36 municipios galegos –un centenar en toda España– están á espera do informe que o Ministerio de Agricultura, Alimentación e Medio Ambiente deberá emitir antes do 1 de abril de 2015 e que ditaminará si poderán seguir na costa e, así, evitar ser demolidos de acordo coa Lei de Uso Sustentable do Litoral e Modificación da Lei de Costas, que entrou en vigor antes do verán.

   Así se desprende dunha resposta parlamentaria do Goberno e dirixida ao portavoz de Medio Ambiente do PSOE, José Luís Ábalos, despois de que este cuestionase ao Executivo sobre o número de municipios españois que, acolléndose ao amparo dunha disposición da Lei de Costas, solicitaron poder permanecer na costa sen ser derruidos e regular a súa situación de maneira definitiva.

O total de municipios que se atopa á espera en Galicia son os seguintes. Na Coruña (18): Ares, Boiro, Camariñas, Carballo, Cedeira, Fene, Ferrol, Fisterra, A Laracha, Laxe, Malpica de Bergantiños, Miño, Mugardos, Muros, Outes, Padrón, A Pobra do Caramiñal e Ribeira. Pola súa banda, na provincia de Lugo (2): Cervo e Xove.

   No tocante a Pontevedra son 16 os municipios: Baiona, Catoira, Gondomar, Illa de Arousa, Marín, Meaño, Nigrán, O Rosal, Poio, Pontevedra, Sanxenxo, Soutomaior, Valga, Vigo, Vilaboa e Vilanova de Arousa.

REFORMA

   De acordo coa reforma da Lei de Costas, os municipios que teñan parte do seu chan en dominio público hidráulico pero que cando se aprobou a Lei de Costas de 1998 cumprisen xa unha serie de requisitos aínda que sen estar clasificados como chan urbano, poderían acollerse a devandita disposición.

   Concretamente, os requisitos que deberán cumprir os municipios con plan (en 1988) son que os terreos que ben conten con acceso rodado, abastecemento de auga, evacuación de augas residuais e subministración de enerxía eléctrica e estivesen consolidados pola edificación en polo menos un terzo da súa superficie, ou ben, carecendo dalgún dos requisitos citados, estivesen comprendidos en áreas consolidadas pola edificación como mínimo en dúas terceiras partes da súa superficie, de conformidade coa ordenación de aplicación.

Tamén poderán acollerse a esta disposición os municipios sen plan con terreos que, en xullo de 1988, ou ben contasen con acceso rodado, abastecemento de auga, evacuación de augas residuais e subministración de enerxía eléctrica e estivesen consolidados pola edificación en polo menos un terzo da súa superficie, ou ben, carecendo dalgún dos requisitos citados, estivesen comprendidos en áreas consolidadas pola edificación como mínimo na metade da súa superficie.

O PP VAI LEGALIZAR PRETO DO 90% DAS EDIFICACIÓNS AFECTADAS POLA ANTIGUA LEI DE COSTAS

O futuro das construcións situadas nos municipios do litoral da comarca do Salnés que se atopan fóra de ordenamento urbanístico despexarase coa aplicación da Lei de Costas, que foi aprobada o día 9 de maio.

Así moitas construccións pasarán a ser legais, aínda que por lóxica e sentido común nunca o deberían ser, máxime si temos en conta de quen son e que foron construídas despois do ano 1988. Ano no que se aprobou a anterior lei de Costas e que o PP, despois de dous governos presididos por Aznar non foi quen de cambiar.

Así o manifestaron onte  os representantes do PP nunha rolda de prensa celebrada na sede do partido da gaivota en Vilagarcía, na que cifraron nun 90% a porcentaxe de edificacións cuxa situación poderá ser regularizada.

Actualmente son 1.038 as construcións que deberán porse ao día en cinco municipios, das que 141 atópanse en Vilagarcía, o mesmo número que no de Vilanova. O máis afectado é o da Illa, con 303, seguido polos de Cambados e O Grove, con 241 e 237, respectivamente. A relación complétase con nove de Meaño e tres de Ribadumia.

Un dos aspectos de maior importancia polo seu efecto é que a zona de servidume marítimo-terrestre poderá ser rebaixada dos actuais 100 a 20 metros, e este cambio abrirá a porta á legalización de núcleos como o das Sinas, situado no municipio de Vilanova, ou á maior parte das edificacións que están afectadas no da Illa, indicou Paz Lago.

A deputada subliñou que a intención do Goberno é evitar os dramas aos que estarían abocados os propietarios, ademais de dar seguridade xurídica ás empresas que se atopan asentadas no litoral.

Motor

A deputada subliñou que será estudado caso por caso porque "a costa é o motor da nosa economía", e o Goberno non contempla a posibilidade de incrementar a altura nin o volume edificable establecidos.

Román Rodríguez explicou que se mantén a esixencia de que os núcleos contasen no ano 1988 cos servizos básicos e acceso rodado, sinalou que poderán crearse outros novos que non están contemplados actualmente como talles, e anunciou que serán coidadosos ao estudar todas as casuísticas para non deixar fóra de ordenación urbanística vivendas que, estando situadas neles, puidesen quedar fose unha vez que se trace a liña delimitadora.

No resto do territorio nacional mellor non falar...............