GUSTAVO REY ACADA UN IMPORTANTE PAPEL NO CAMPIONATO INTERNACIONAL

O cambadés Gustavo Rey non puido alcanzar un posto no podio no Campionato de Tiraje de Cerveza Estrella Galicia, que onte celebrou a súa primeira Final Internacional no Salón de Gourmets de Madrid. O gañador deste certame Internacional Beer Master Sessions foi David Tena López, gañador do Certame de Estremadura. A subcampioa foi Davinia Martínez, recentemente coroada como Mellor Tiradora de Cervexa de España e como terceiro finalista Óscar de Toro, gañador do Certame de Galicia.
Gustavo Rey tivo unha moi boa participación xa que quedara segundo nos Campionatos Nacional e Galego tras a segunda e o terceiro respectivamente neste Campionato Internacional. Neste campionato participaban os 5 finalistas da Gran Final Nacional celabrada o luns xunto con 2 participantes seleccionados de Reino Unido, 3 máis de Portugal e o Campión do certame de Brasil. Todos tiveron que enfrontarse a dúas roldas de tiraje de servizo de cana con Estrella Galicia Especial e servizo de botella con Estrella Galicia Especial, 1906 Reserva Especial e 1906 Red Vintage. O xurado do campionato estivo composto por profesionais cervexeiros, hostaleiros e gastronómicos seleccionados baixo criterios de profesionalidade e experiencia establecidos por Estrela Galicia. O campión levouse un Bono regalo de viaxe valorado en 1.200€, o subcampión outro de 800€ e o terceiro clasificado un de 500€.

O CAMBADÉS GUSTAVO REY SUBCAMPIÓN DE ESPAÑA DE TIRADORES DE CAÑAS DE CERVEXA

O cambadés Gustavo Rey, de O Encontro de Barrantes (Ribadumia), proclamouse subcampión do V Campionato Nacional Estrela Galicia de Tiraje de Cervexa, cuxa final se celebrou hoxe luns no Salón de Gourmets coa participación de 20 hostaleiros de toda España. O cambadés, con moitos anos de experiencia, soubo demostrar no seu exercicio a paixón coa que vive a súa profesión. De feito, é a segunda vez que se presenta a este certame. “Participar noutras edicións fixo que me mergulle completamente na cultura da cervexa e todo o que iso leva. Para min, quedar subcampión é un gran orgullo, que me levo á miña terra e da que sinto hoxe especialmente representante”, expresou nada máis finalizar o campionato. 
O primeiro posto foise para Alacante, da man de Davinia Martínez, do restaurante O Divino, de Orihuela, quen tras alzarse co premio apuntaba: “Estou feliz de conseguir este título. Era a primeira vez que me presentaba e non me esperaba chegar a ser a campioa, porque o nivel na final foi moi alto”. 
A nova Mellor Tiradora de Cervexa de España do V Campionato Estrela Galicia afirma ser unha apaixonada da cervexa e da solemnidade que hai detrás dun bo servizo de cervexa. Segundo ela, para tirar unha boa cervexa “tes que pensar en que a estás preparando para ti mesmo. Por iso hai que ser moi preciso á hora de tirar a cervexa e ter varias pautas en mente”. A dotación económica para o gañador foi de 1.000 euros e un trofeo. 
O subcampión recibiu 600 euros, e entregáronse tamén tres accésits de 150 euros aos outros tres finalistas, entre eles, o compostelán Óscar de Toro.

O CAMBADÉS GUSTAVO REY ACUDIRÁ AO CAMPIONATO DE ESPAÑA DE TIRADA DE CAÑAS

O compostelán Óscar de Toro, afamado barista propietario do Café Venecia, proclamouse vencedor do V Campionato Estrela Galicia de Tiraje de Cervexa, no que participaron un total de 20 aspirantes, chegados das catro provincias. Tras diferentes fases nas que tiveron que demostrar a súa destreza tirando canas, servindo cervexa de botella e respondendo a preguntas de diversa índole sobre o mundo cervexeiro, Óscar de Toro callou a mellor actuación, polo que representará a Galicia na final nacional, que se desenvolverá na próxima edición do Salón de Gourmets. Xunto ao compostelán, tamén acudirá ao campionato nacional o segundo clasificado de Galicia, que non é outro que o cambadés Gustavo Rey, de O Encontro (Ribadumia).

Gustavo a parte de servir cañas é un dos compoñentes de Noite Fechada onde toca o baixo. Campión e subcampión disputaron a gran final xunto a outros tres aspirantes: José Manuel Sánchez, de Il Farabuto de Lugo; Antonio Fernández, da Xanela Gastronómica de Ponteareas e Raúl Vidal, da Perfecta de Bueu. Os cinco finalistas levaron o premio do seu peso en cervexa e un galardón en metálico: o gañador recibiu 600 euros; o subcampión, 400 euros e os outros tres finalistas, 150 euros. O xurado estivo conformado por Rubén Vilariño, actual campión do certame de tiraje de Galicia; Jesús Rodríguez, profesor de Servizos no IES Sanxillao de Lugo; Adrián Felípez, chef do Restaurante Faragulla da Coruña e Xabier Cubillo, técnico de Cultura de Cervexa. “Todos eles tivéronse que empregar a fondo para valorar a calidade, eficacia e rapidez no servizo, así como os coñecementos dos aspirantes”, indican desde Estrella Galicia.

O CAMBADÉS GUSTAVO REY NON LOGROU SER CAMPIÓN DE ESPAÑA TIRANDO CAÑAS

Por terceiro ano consecutivo, Estrella Galicia organizou o Campionato Nacional de Tiraje de Cervexa, no que hostaleiros de todo o país mediron a súa destreza e calidade no servizo de cervexa, un factor clave para gozar da mellor cervexa, segundo os organizadores que queren así recoñecer a importancia destes profesionais.

Nesta competición, Estrella Galicia premiou a calidade e profesionalidade do servizo de cervexa, unha característica inherente á nosa cultura gastronómica popular. Os participantes deste campionato, tiveron que demostrar a expertos do xurado a súa destreza, eficacia e rapidez tirando canas, servindo cervexa de botella, servizo de bandexa e coñecemento e cultura sobre o mundo cervexeiro en tempo limitado e cronometrado en grupos de cinco e cada un cunha billa profesional nunha larguísima barra do Escenario Gourmets do Pavillón 6 de IFEMA, onde se celebraba o Salón de Gourmets.

Nesta final da III edición participaron 30 hostaleiros, seleccionados entre máis de 150 barmans profesionais nas distintas finais rexionais que se celebraron en varias comunidades autónomas como, por exemplo, Andalucía, Estremadura, Canarias, Castela e León, Galicia, Comunidade Valenciana, Cantabria e Madrid.

O Xurado da Final desta III edición do Campionato Nacional Estrela Galicia de Tiraje de Cervexa estivo presidido por Fernando Igrexas, Responsable de Cultura de Cervexa de Estrella Galicia, quen estivo acompañado de Xabier Cubillo, Técnico de Cultura de Cervexa de Estrella Galicia, Carlos Maribona, crítico gastronómico de prestixio e Juan Crujeiras, o recoñecido chef con Estrela Michelin do restaurante A Estación na Coruña e profesor da Escola de Hostalería Fragas do Eume.

Estrella Galicia decidiu poñer a proba de novo as habilidades e a calidade do servizo de profesionais do ámbito da hostalería de todo o país co obxectivo de premiar o talento e o esforzo dos barmans por servir o produto en condicións óptimas para a súa goce por parte do público.

O hostaleiro campión que se alzou co título ao Mellor Tirador de cervexa de España deste ano é Francisco Calamonte, hostaleiro do restaurante A Sentinela de Montijo, en Badaxoz, e co segundo posto de Mellor Tirador de Cervexa, alzouse Luís Miguel García, do restaurante Haití II de Benidorm, Alacante
Os cinco finalistas  recibiron o premio do seu peso en cervexa. A dotación económica para o gañador será de 1.000 euros e un trofeo. O subcampión recibirá 600 euros, e entregaranse tamén tres accésits de 150 euros a Rubén González de Cantabria, Juan Jesús Ortega, de Jerez de la Frontera e Francisco Barreiro, da Coruña.

Ademais, todos os finalistas tamén recibirán un diploma acreditativo coa súa clasificación no III Campionato Nacional Estrela Galicia de Tiraje de Cervexa profesional.