Dentro da programación de exposicións no pazo de Torrado durante o ano, tócalle agora a quenda á cambadesa Emérita Méndez, que expoñerá entre o 15 de xuño e o 15 de xullo. A exposición poderá ser visitada do 15 de xuño ao 15 de xullo, de martes a domingo entre as 18 e as 21 horas. Méndez ten xa unha dilatada carreira artística ás súas costas, pero estivo de actualidade fai un par de veráns, ao gañar o concurso de deseño convocado polo Concello de Cambados para seleccionar o cartel da Festa do Albariño. Méndez xa ilustrou a propaganda da festa de Cambados en dúas ocasións na década dos 70. Emérita Méndez naceu en Castro de Rei (Lugo), aínda que reside desde hai décadas en Cambados. Expuxo en ducias de galerías e salas públicas galegas e de Portugal desde a década dos 90. É licenciada en Historia da arte pola Universidade de Santiago de Compostela e en Belas Artes pola de Vigo.
