PONTEVEDRA-SALNÉS: CAMBADOS PRESENTA A MENOR INCIDENCIA DE ENFERMOS NO SALNÉS E DAS MELLORES DA ÁREA

Coronavirus Pontevedra-Salnés: 14 novos infectados e baixan a 371 os casos activos A área sanitaria pontevedresa segue mellorando e restando casos activos A área sanitaria de Pontevedra e O Salnés continúa recibindo boas noticias. Os 14 contaxiados de hoxe supoñen o terceiro día consecutivo por baixo de 20, e os casos activos volven descender notablemente. A incidencia é baixa en todo a área sanitaria, con tres municipios sen contaxios nas últimas dúas semanas. Nas últimas 24 horas producíronse 14 novos enfermos e 72 altas, o que fai que descendan en 58 persoas os casos activos, pasando de 429 a 371. Incidencia: Casos por 100.000 habitantes nos últimos 14 días nos concellos do Salnés: Cambados 3 22 Illa de Arousa 3 61 Meaño 3 57 Meis 3 63 O Grove 14 131 Ribadumia 3 59 Sanxenxo 26 150 Vilagarcía de Arousa 31 83 Vilanova de Arousa 3 29 Segue baixando a incidencia da cidade de Pontevedra e de todo a área sanitaria. No Salnés tan só O Grove e Sanxenxo superan por pouco os 100 enfermos de incidencia a 14 días. O número de pacientes hospitalizados sobe de 12 a 14 persoas, distribuídas en 11 pacientes no CHU de Pontevedra (7 en planta e 4 na UCI), 2 en planta no Hospital Público do Salnés e 1 no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 21.237 casos de coronavirus, con 201 falecementos, 20.665 altas e 371 casos activos nestes momentos.