A morte de seis persoas eleva o número de falecidos por covid en Galicia a 2.489
Dous dos falecementos rexistrados correspóndense a persoas usuarias de 'Residencias de Maiores'.
A Consellería de Sanidade notificou este venres o falecemento doutras 6 persoas con Covid-19 en Galicia, co que o total de vítimas mortais da pandemia ascende a 2.489 nesta comunidade.
Así, Sanidade informou do falecemento, este xoves, de tres homes: un home de 82 anos de idade que estaba ingresado no Complexo Hospitalario Universitario de Ferrol, e que procedía da residencia Santo Estevo de Perlío (Fene); outro home de 84 anos, usuario da residencia Domus Vin Vigo e que estaba no Complexo Hospitalario Universitario da cidade olívica; e un terceiro home, de 88 anos, que tamén estaba ingresado no complexo sanitario vigués.
Ademais, rexistrouse o falecemento, este venres, dunha muller de 85 anos de idade, ingresada no Hospital do Salnés; unha muller de 91 anos que estaba no hospital Povisa; e un home de 95 anos, ingresado no Hospital Lucus Augusti de Lugo.
Segundo informaron fontes sanitarias, todos os falecidos presentaban patoloxías previas.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.