PONTEVEDRA-SALNÉS: TODO O SALNÉS POR DEBAIXO DE 300 DE INCIDENCIA AGÁS SANXENXO E MEIS

Coronavirus Pontevedra-Salnés: 59 novos infectados e baixan a 1.128 os casos activos

A área sanitaria pontevedresa continúa mellorando rapidamente A área sanitaria de Pontevedra e O Salnés continúa restando casos activos de coronavirus e baixando en incidencia. Na área sanitaria só quedan dous municipios (Ponte Caldelas e A Lama) por encima de 500 de incidencia. Nas últimas 24 horas producíronse 59 contaxios novos e 142 altas, o que fai que descendan en 83 persoas os casos activos, pasando de 1.211 a 1.128. Incidencia: Casos por 100.000 habitantes nos últimos 14 días nos concellos do Salnés: Cambados 39 284 Illa de Arousa 11 223 Meaño 13 247 Meis 16 334 O Grove 32 300 Ribadumia 3 59 Sanxenxo 66 380 Vilagarcía de Arousa 83 222 Vilanova de Arousa 18 175 Segue descendendo a incidencia en Pontevedra cidade, tamén en toda a zona do Salnés, e A Lama é o único municipio da área sanitaria con máis de 500 de incidencia. O número de pacientes hospitalizados baixa de 33 a 32 persoas, distribuídas en 25 pacientes no CHU de Pontevedra (21 en planta e 4 na UCI), 5 en planta no Hospital Público do Salnés e 2 no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 20.813 casos de coronavirus, con 194 falecementos, 19.491 altas e 1.128 casos activos nestes momentos.