PONTEVEDRA-SALNÉS: CONTINUA MELLORANDO E RESTANDO INFECTADOS

Coronavirus Pontevedra-Salnés: 143 novos infectados e baixan a 2.662 os casos activos A área sanitaria pontevedresa continúa mellorando e restando infectados A área sanitaria de Pontevedra e O Salnés parece ben canalizada, a pesar de que os 143 contaxiados de hoxe sexan unha cifra superior aos 109 do xoves pasado. A incidencia na cidade de Pontevedra e na maioría de municipios da área sanitaria segue descendendo. Todo o Salnés baixa. Nas últimas 24 horas producíronse 143 contaxios novos e 184 altas, o que fai que descendan en 41 persoas os casos activos, pasando de 2.703 a 2.662. Incidencia: Casos por 100.000 habitantes nos últimos 14 días nos concellos do Salnés: Cambados 109 793 Illa de Arousa 36 731 Meaño 50 948 Meis 32 668 O Grove 168 1 577 Ribadumia 16 317 Sanxenxo 240 1 384 Vilagarcía de Arousa 199 531 Vilanova de Arousa 43 417 Segue baixando a incidencia en Pontevedra cidade e nos seus municipios máis próximos, como Marín, Poio ou Sanxenxo. Dentro da área sanitaria O Grove é o municipio máis afectado, pero comeza a baixar en incidencia como o resto. O número de pacientes hospitalizados mantense en 34 persoas, distribuídas en 30 pacientes no CHU de Pontevedra (24 en planta e 6 na UCI), 3 en planta no Hospital Público do Salnés e 1 no Quirónsalud Miguel Domínguez.  

A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 19.749 casos de coronavirus, con 189 falecementos, 16.898 altas e 2.662 casos activos nestes momentos.