PONTEVEDRA-SALNÉS: BAIXAN OS ENFERMOS E OS HOSPITALIZADOS

Coronavirus Pontevedra-Salnés: 70 novos infectados e baixan a 1.105 os casos activos

A área sanitaria pontevedresa continúa mellorando e resta seis hospitalizados A área sanitaria de Pontevedra e O Salnés segue restando casos activos de coronavirus grazas a que as altas superan os novos contaxios, aínda que a cifra de hoxe é a maior dos últimos días e superior en 5 casos ao sábado pasado. Nas últimas 24 horas producíronse 70 contaxios novos e 93 altas, o que fai que descendan en 23 persoas os casos activos, pasando de 1.128 a 1.105. Incidencia: Casos por 100.000 habitantes nos últimos 14 días nos concellos do Salnés: Cambados 40 291 Illa de Arousa 11 223 Meaño 14 266 Meis 16 334 O Grove 32 300 Ribadumia 3 59 Sanxenxo 61 352 Vilagarcía de Arousa 83 222 Vilanova de Arousa 19 184 Aumenta lixeiramente a incidencia en Pontevedra cidade e segue á baixa na gran maioría da área sanitaria. O número de pacientes hospitalizados baixa de 32 a 26 persoas, distribuídas en 20 pacientes no CHU de Pontevedra (16 en planta e 4 na UCI), 4 en planta no Hospital Público do Salnés e 2 no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 20.883 casos de coronavirus, con 194 falecementos, 19.584 altas e 1.105 casos activos nestes momentos.