Coronavirus Pontevedra-Salnés: 49 novos infectados e baixan a 1.907 os casos activos A área pontevedresa rexistra un novo mínimo de contaxios desde o pico da quinta onda A área sanitaria de Pontevedra e O Salnés continúa mellorando e restando casos activos, e hoxe destaca que os contaxiados baixan ata os 49, case a metade que os 92 do mércores pasado. Nas últimas 24 horas producíronse 49 contaxios novos e 171 altas, o que fai que descendan en 122 persoas os casos activos, pasando de 2.029 a 1.907. Incidencia: Casos por 100.000 habitantes nos últimos 14 días nos concellos do Salnés: Cambados 77 560 Illa de Arousa 26 528 Meaño 26 493 Meis 22 459 O Grove 93 873 Ribadumia 13 257 Sanxenxo 127 732 Vilagarcía de Arousa 166 443 Vilanova de Arousa 29 281 Continúa descendendo a toda velocidade a incidencia na cidade de Pontevedra e os seus municipios próximos, e O Grove segue sendo o de maior incidencia (e o único de Galicia que estará en nivel extremo desde o sábado). O número de pacientes hospitalizados baixa de 36 a 31 persoas, distribuídas en 30 pacientes no CHU de Pontevedra (24 en planta e 6 na UCI), 1 en planta no Hospital Público do Salnés e ningún no Quirónsalud Miguel Domínguez.
A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 20.254 casos de coronavirus, con 191 falecementos, 18.156 altas e 1.907 casos activos nestes momentos.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.