PONTEVEDRA-SALNÉS- A ÁREA CONTINUA RESTANDO ENFERMOS

Coronavirus Pontevedra-Salnés: 55 novos infectados e baixan 1.295

A área sanitaria de Pontevedra e O Salnés continúa mellorando a súa situación A área sanitaria de Pontevedra e O Salnés continúa restando casos de coronavirus e mantendo á baixa o seu número de contaxios. Nas últimas 24 horas producíronse 55 contagios novos e 111 altas, o que fai que descendan en 56 persoas os casos activos, pasando de 1.351 a 1.295. Incidencia: Casos por 100.000 habitantes nos últimos 14 días nos concellos do Salnés: Cambados 44 320 Illa de Arousa 15 305 Meaño 12 228 Meis 17 355 O Grove 42 394 Ribadumia 10 198 Sanxenxo 71 409 Vilagarcía de Arousa 119 318 Vilanova de Arousa 20 194 Segue baixando a incidencia na área sanitaria pontevedresa, e soamente Bueu, A Lama e Ponte Caldelas teñen máis de 500 de incidencia. O número de pacientes hospitalizados baixa de 36 a 32 persoas, distribuídas en 28 pacientes no CHU de Pontevedra (24 en planta e 4 na UCI), 3 en planta no Hospital Público do Salnés e 1 no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 20.711 casos de coronavirus, con 194 falecementos, 19.222 altas e 1.295 casos activos nestes momentos.