CORONAVIRUS GALICIA: SEGUE REMITINDO A 5ª ONDA

Coronavirus Galicia: 452 novos infectados e baixan a 8.953 os casos activos

Seguen baixando os contaxios, hospitalizados e casos activos, a pesar de que empeoran as áreas de Lugo, Ourense e Santiago A quinta onda de coronavirus continúa remitindo en Galicia a pesar de que as áreas sanitarias de Ourense, Lugo e Santiago seguen empeorando en casos activos. Os 452 casos novos de hoxe en toda a comunidade galega son 258 menos que os 710 do sábado pasado, un importante descenso do 36,4%, e a mellor noticia é que os hospitalizados seguen baixando e nestes momentos son 60 menos que hai xusto unha semana. Os casos activos seguen descendendo a bo ritmo e hoxe baixan dos 9.000 tras restar outros 331. Por áreas sanitarias, Vigo e A Coruña son as que máis rapidamente están a mellorar e rexistrando menos contaxiados en comparación coa semana pasada, e son as que compensan os malos datos de Lugo, Ourense e Santiago. O alto número de e
nfermos en certos municipios de Lugo e Santiago é agora mesmo o maior problema que queda en Galicia nesta quinta onda. A situación hospitalaria mellora respecto a onte, con 2 ingresados menos en UCI e 23 menos en planta. O total de pacientes é de 60 menos que fai sete días, con menos pacientes de UCI. Hai unha semana había 309 hospitalizados en Galicia divididos en 245 pacientes de planta e 64 de UCI, e hoxe son 249 en total, con 194 en planta e os outros 55 na unidade de críticos (2 menos que onte). Vigo, Lugo e A Coruña son as áreas máis afectadas. A área herculina baixa a 2.384 casos activos con 103 contaxiados. Vigo rexistra 51 novos enfermos e baixa a 1.773 casos activos. Lugo suma 102 contaxiados e sobe a 1.437 casos activos. Estes son os datos máis relevantes de hoxe: A Coruña é a área sanitaria máis afectada de Galicia con 2.384 casos activos, e a cidade de maior incidencia é Ferrol con 398. Santiago é a de menor incidencia con 181. Os casos activos baixan de 9.284 a 8.953, un descenso de 331 infectados. Baixan de 274 a 249 as persoas hospitalizadas, 60 menos que hai unha semana. A incidencia a 14 días baixa de 296 a 286 e a incidencia a 7 baixa de 139 a 129. Hoxe sábado son 258 diagnósticos menos que os 710 do sábado 21 de agosto, procedendo dun número de probas moi similar. Os 452 casos novos de hoxe son o 8,09% de diagnósticos positivos de 5.585 probas PCR, mentres que os 710 do sábado pasado eran o 12,47% de positivos de 5,691 tests. Na web de datos do Sergas di que nas últimas 24 horas confirmáronse 442 casos de COVID-19 por PCR, e a diferenza entre o total de infectados desde o inicio da pandemia de hoxe (177.560) e o de onte (177.108) é de 452 persoas. Do mesmo xeito, os novos enfermos por área sanitaria son calculados co mesmo procedemento. Nas últimas 24 horas rexistráronse en Galicia 452 novos casos de SARS- CoV-2, 4 falecementos e 779 altas, o que fai que descendan en 331 persoas os casos de coronavirus, pasando dos 9.284 de onte aos 8.953 de hoxe. O total de hospitalizados baixa de 274 a 249 pacientes, 2 menos en UCI e 23 menos en planta. O pasado sábado eran 309 hospitalizados, 60 máis que hoxe. O total de casos de coronavirus contabilizados polo Sergas desde o inicio da pandemia é de 177.560. Lugo, Ourense e Santiago empeoran De novo empeoran (a de Ourense, en só un caso) as tres áreas sanitarias de onte, mentres Vigo e A Coruña seguen baixando rapidamente e fan que a comunidade reste máis de 300 casos activos. Casos activos por área sanitaria A Coruña: 2.384 (-146) Ferrol: 642 (-18) Lugo: 1.437 (+15) Ourense: 708 (+1) Pontevedra: 689 (-42) Santiago: 1.320 (+29) Vigo: 1.773 (-170) Total: 8.953 (-331) Ferrol é a cidade máis afectada de Galicia con 398 de incidencia, e Santiago é a que menos está, con 181. Incidencia nas cidades A Coruña: 315 (-25) Ferrol: 398 (-24) Lugo: 375 (+10) Ourense: 211 (+14) Pontevedra: 214 (-20) Santiago: 181 (+9) Vigo: 279 (-23) Novos contaxios por área sanitaria A Coruña: 103 Ferrol: 18 Lugo: 102 Ourense: 49 Pontevedra: 24 Santiago: 105 Vigo: 51 Total: 452 O total de falecementos desde o inicio chega a 2.557 persoas, 4 nas últimas 24 horas, e son 1.938 desde a nova normalidade, superando os 619 da primeira onda. O total de hospitalizados é de 249 (-25), divididos en 55 (-2) na UCI e 194 (-23) en unidades de hospitalización. O total de probas PCR realizadas é de 2.728.327, delas 5.585 nas últimas 24 horas, cun 8,09% de positivos. A semana continúa mellor que a anterior, con 2.925 contaxios de luns a sábado fronte aos 3.597 da semana pasada, un descenso do 18,7%. As últimas semanas terminaron con 4.157, 5.273, 6.974, 8.414, 9.090, 7.085, 2.991, 1.394, 758, 548, 557, 620, 850, 1.067, 1.103, 1.217, 1.288, 1.362, 1.259, 1.091, 901, 877, 985, 1.112, 1.117, 1.780, 2.498, 4.066, 7.066, 10.337 e 10.526 contaxiados respectivamente.