CORONAVIRUS GALICIA: A COMUNIDADE BAIXA DOS 10.000 ACTIVOA

Coronavirus Galicia: 567 contaxios novos e baixan a 9.780 os casos activos

Os casos activos de Galicia baixan e os hospitalizados tamén a pesar de que Lugo e Santiago empeoran e rexistran máis contaxios A quinta onda de coronavirus segue descendendo en Galicia, pero faio máis lentamente do esperado debido a que as áreas sanitarias de Lugo e Santiago rexistran numerosos contaxios. Os 567 de hoxe son só 30 menos que o mércores pasado e a semana continúa progresando mellor que a anterior, pero estas dúas áreas sanitarias teñen pobos que están a rexistrar numerosos contaxios nos últimos días, destacando Ordes e Melide na área de Santiago e Monforte na de Lugo. A mellor noticia do día é sen dúbida que a curva de hospitalizados parece definitivamente dobregada, con 45 ingresados menos que o mércores pasado, incluíndo 8 pacientes menos nas UCI. Os altos datos de contaxios de Lugo e Santiago fan que estas dúas áreas somen casos activos, pero o resto da comunidade segue mellorando e de novo destacan Vigo e A Coruña como áreas que máis casos activos restan. Hoxe os casos activos de toda Galicia baixan de 10.000, algo que non sucedía desde o 17 de xullo. A situación hospitalaria mellora respecto a onte, con 3 pacientes menos en UCI e 20 menos en planta. O total de pacientes é de 45 menos que fai sete días, con menos pacientes de UCI. Hai unha semana había 322 hospitalizados en Galicia divididos en 259 pacientes de planta e 63 de UCI, e hoxe son 277 en total, con 222 en planta e os outros 55 na unidade de críticos (3 menos que onte). Vigo, Lugo e A Coruña son as áreas máis afectadas. A área herculina baixa a 2.793 casos activos con 117 contaxiados. Vigo rexistra 115 contaxiados e baixa a 2.180 casos activos. Lugo suma 137 contaxios e sobe a 1.342 casos activos. Estes son os datos máis relevantes de hoxe: A Coruña é a área sanitaria máis afectada de Galicia con 2.793 casos activos, e a cidade de maior incidencia é Ferrol con 442. Santiago é a de menor incidencia con 172. Os casos activos baixan de 10.038 a 9.780, un descenso de 258 infectados. Baixan de 300 a 277 as persoas hospitalizadas, 45 menos que hai unha semana. A incidencia a 14 días baixa de 322 a 316 e a incidencia a 7 baixa de 149 a 148. Hoxe mércores son 30 diagnósticos menos que os 597 do mércores 18 de agosto, procedendo dun número de probas superior. Os 56 casos novos de hoxe son o 9,63% de diagnósticos positivos de 5.885 probas PCR, mentres que os 597 do mércores pasado eran o 10,81% de positivos de 5.521 tests. Na web de datos do Sergas di que nas últimas 24 horas confirmáronse 571 casos de COVID-19 por PCR, e a diferenza entre o total de infectados desde o inicio da pandemia de hoxe (176.051) e o de onte (175.484) é de 567 persoas. Do mesmo xeito, os novos contaxiados por área sanitaria calcúlanse co mesmo procedemento. Nas últimas 24 horas rexistráronse en Galicia 567 novos casos de SARS- CoV-2, 4 falecementos e 821 altas, o que fai que descendan en 258 persoas os casos de coronavirus, pasando dos 10.038 de onte aos 9.780 de hoxe. O total de hospitalizados baixa de 300 a 277 pacientes, 3 menos en UCI e 20 menos en planta. O pasado mércores eran 322 hospitalizados, 45 máis que hoxe. O total de casos de coronavirus contabilizados polo Sergas desde o inicio da pandemia é de 176.051. Lugo e Santiago empeoran Polo seu elevado número de contaxios, as áreas sanitarias de Lugo e Santiago empeoran hoxe de novo. O resto de Galicia segue mellorando, especialmente A Coruña e Vigo. Casos activos por área sanitaria A Coruña: 2.793 (-137) Ferrol: 720 (-31) Lugo: 1.342 (+50) Ourense: 694 (-3) Pontevedra: 828 (-56) Santiago: 1.223 (+21) Vigo: 2.180 (-102) Total: 9.780 (-258) A Coruña é a cidade máis afectada de Galicia con 396 de incidencia, e Santiago é a que menos está, con 172. Incidencia nas cidades A Coruña: 396 (-14) Ferrol: 442 (-11) Lugo: 363 (+7) Ourense: 176 (-5) Pontevedra: 281 (-8) Santiago: 172 (-15) Vigo: 354 (-19) Novos contaxios por área sanitaria A Coruña: 117 Ferrol: 26 Lugo: 137 Ourense: 51 Pontevedra: 23 Santiago: 98 Vigo: 115 Total: 567 O total de falecementos desde o inicio chega a 2.550 persoas, 4 nas últimas 24 horas, e son 1.931 desde a nova normalidade, superando os 619 da primeira onda. O total de hospitalizados é de 277 (-23), divididos en 55 (-3) na UCI e 222 (-20) en unidades de hospitalización. O total de probas PCR realizadas é de 2.712.487, delas 5.885 nas últimas 24 horas, cun 9,63% de positivos. A semana continúa mellor que a anterior, con 1.416 contaxios de luns a mércores fronte aos 1.568 da semana pasada, un descenso do 9,7%. As últimas semanas terminaron con 4.157, 5.273, 6.974, 8.414, 9.090, 7.085, 2.991, 1.394, 758, 548, 557, 620, 850, 1.067, 1.103, 1.217, 1.288, 1.362, 1.259, 1.091, 901, 877, 985, 1.112, 1.117, 1.780, 2.498, 4.066, 7.066, 10.337 e 10.526 contaxiados respectivamente.