PONTEVEDRA-SALNÉS: SITUACIÓN PROCUPANTE NO SALNÉS. A ÁREA DOBRA OS CASOS EN 7 DIAS

Coronavirus Pontevedra-Salnés: 55 novos infectados e soben a 459 os casos activos, polos 207 do domingo pasado, máis do dobre. A área pontevedresa continúa empeorando e a zona do Salnés é a máis afectada agora. A área sanitaria pontevedresa de novo é a que máis contaxios rexistra de toda Galicia e volve empeorar, achegándose ao medio milleiro de casos activos. Ademais da cidade de Pontevedra, que é onde máis contaxios rexistráronse, a zona do Salnés é agora a máis afectada, destacando Vilanova de Arousa con 281 de incidencia, Illa de Arousa con 447, Cambados 233 e Vilagarcía de Arousa 179. O resto de concellos suben pero en menor medida. Nas últimas 24 horas producíronse 55 contaxios novos e 9 altas, o que fai que suban en 46 persoas os casos activos, pasando de 413 a 459. Incidencia: Casos por 100.000 habitantes nos últimos 14 días nos concellos do Salnés: Cambados 32 233 Illa de Arousa 22 447 Meaño 3 57 Meis 3 63 O Grove 3 28 Ribadumia 3 59 Sanxenxo 13 75 Vilagarcía de Arousa 67 179 Vilanova de Arousa 29 281 Segue subindo a incidencia en Pontevedra cidade, con 72 contaxios na última semana e 139 nas últimas dúas. O municipio máis afectado da zona é A Illa de Arousa, cunha incidencia de 447. O número de pacientes hospitalizados baixa de 12 a 11 persoas, distribuídas en 9 pacientes no CHU de Pontevedra (5 en planta e 4 na UCI), 2 en planta no Hospital Público do Salnés e ningún no Quirónsalud Miguel Domínguez.  

A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 14.885 casos de coronavirus, con 181 falecementos, 14.245 altas e 459 casos activos nestes momentos.