A XUNTA TOMARÁ NOVAS MEDIDAS PARA FREAR A COVID O VINDEIRO MARTES

Covid: Galicia revisará o martes as restricións #ante o incremento da incidencia

"Todas as medidas que fomos tomando no comité clínico desde o principio tiñan o fin último de preservar a capacidade asistencial dos nosos hospitais", explicou Julio García Comesaña O conselleiro de Sanidade, Julio García Comesaña, alertou onte en rolda de prensa sobre o "incremento importante" da incidencia acumulada da Covid-19, sobre todo entre os máis novos, e avanzou que "probablemente" o comité clínico do martes revise as medidas en materia sanitaria. Isto débese a que o actual é un "escenario diferente" ao que había no inicio da desescalada. "Todas as medidas que fomos tomando no comité clínico desde o principio tiñan o fin último de preservar a capacidade asistencial dos nosos hospitais", explicou o titular de Sanidade. Así, Comesaña indicou que a presión hospitalaria é "boa" pese ao incremento de contaxios e que as medidas deben ser adaptadas en función deste factor e tendo en conta o avance da vacinación.
Comesaña vinculou o aumento de casos ao brote orixinado polas viaxes de fin de curso a Mallorca, que segundo as últimas cifras proporcionadas polas autoridades sanitarias ha deixado como resultado 184 contaxiados só en Galicia. As incidencias acumuladas por 100.000 habitantes a 14 días elévanse especialmente nas franxas de idade máis baixas, cun valor de 219,9 entre persoas de 12 a 19 anos; de 188,3 de 20 a 29 anos; e de 106,06 positivos por 100.000 habitantes entre 30 a 39 anos. A situación cambia na franxa de 40 a 49 anos, cunha taxa de 73,1, e na de 50 a 59 anos, con 31,78 por cada 100.000 habitantes.