PONTEVEDRA-SALNÉS: DISPÁRASE A COVID EN CAMBADOS, VILANOVA E VILAGARCÍA

-Coronavirus Pontevedra-Salnés: 64 novos infectados e soben a 321 os casos activos -A área pontevedresa continúa sumando contaxios asociados ás viaxes a Mallorca. A área sanitaria pontevedresa segue sumando contaxios e casos activos, a maioría deles asociados ao brote das Illas Baleares. A área sanitaria xa é a segunda máis afectada de Galicia e hoxe rexistra o segundo maior dato de infectados tras A Coruña. Nas últimas 24 horas producíronse 64 contaxios novos e 5 altas, o que fai que suban en 59 persoas os casos activos, pasando de 262 a 321. Incidencia: Casos por 100.000 habitantes nos últimos 14 días nos concellos do Salnés: Cambados 15 109 Illa de Arousa 3 61 Meaño 3 57 Meis 3 63 O Grove 0 0 Ribadumia 3 59 Sanxenxo 11 63 Vilagarcía de Arousa 40 107 Vilanova de Arousa 16 155 Continúa ascendendo a incidencia na cidade de Pontevedra e agora a zona do Salnés tamén comeza a estar afectada, con datos cada vez peores en Cambados, Vilagarcía e Vilanova con 15, 40 e 16 casos nos últimos 14 días. E en 7 días, 13, 30 e 14 respectivamente. Os tres concellos teñen unha incidencia superior a 100. O número de pacientes hospitalizados sobe de 9 a 10 persoas, distribuídas en 6 pacientes no CHU de Pontevedra (3 en planta e 3 na UCI), 4 en planta no Hospital Público do Salnés e ningún no Quirónsalud Miguel Domínguez.  

A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 14.708 casos de coronavirus, con 181 falecementos, 14.206 altas e 321 casos activos nestes momentos.