Coronavirus Pontevedra-Salnés: 221 novos infectados e soben a 1.709 os casos activosA área sanitaria pontevedresa segue sumando casos activos sen parar, e Sanxenxo xa supera os 1.000 de incidencia. A área sanitaria de Pontevedra e O Salnés continúa sendo unha das máis afectadas de Galicia e está cada vez máis preto do máximo de 2.613 casos activos que rexistrou o pasado 4 de febreiro. Sanxenxo é o municipio máis afectado e é un dos tres de Galicia con máis de 1.000 de incidencia. A todo isto sen sumar os turistas que poden contraer a enfermidade non son contabilizados en ningún concello concreto. Os non galegos son contabilizados na área sanitaria onde veranean e os galegos na súa área de residencia. Nas últimas 24 horas producíronse 221 contaxios novos e 62 altas, o que fai que suban en 159 persoas os casos activos, pasando de 1.550 a 1.709. Incidencia: Casos por 100.000 habitantes nos últimos 14 días nos concellos do Salnés:
Cambados 123 895
Illa de Arousa 34 690
Meaño 41 778
Meis 20 417
O Grove 41 385
Ribadumia 19 376
Sanxenxo 187 1 078
Vilagarcía de Arousa 200 534
Vilanova de Arousa 60 582
Segue aumentando a incidencia na cidade de Pontevedra e está particularmente disparada en Sanxenxo, que xa é o máis afectado da área sanitaria e un dos tres de Galicia por encima de 1.000 puntos. No resto da área sanitaria a zona de Cambados, Vilanova e Vilagarcía é a máis afectada.
O número de pacientes hospitalizados baixa de 14 a 13 persoas, distribuídas en 11 pacientes no CHU de Pontevedra (6 en planta e 5 na UCI), 1 en planta no Hospital Público do Salnés e 1 no Quirónsalud Miguel Domínguez.
A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 16.464 casos de coronavirus, con 181 falecementos, 14.574 altas e 1.709 casos activos nestes momentos.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.