CORONAVIRUS GALICIA. MÁIS HOSPITALIZADOS E PRETO DE 10.000 ACTIVOS

Coronavirus Galicia: 1.338 novos infectados e soben a 9.417 os casos activos

Galicia segue sumando casos activos e pacientes de UCI, e hoxe chégase a un novo máximo de porcentaxe de PCR positivas: 17,72%. O coronavirus continúa contaxiando a toda velocidade en Galicia e os 1.338 casos novos de hoxe son unha cifra lixeiramente inferior aos 1.342 de onte, pero máis do dobre que os 655 do sábado pasado. Os casos activos xa se achegan aos 10.000, e os hospitalizados volven aumentar hoxe, especialmente os de UCI, que xa son 20, unha cifra que non se vía desde o 3 de xuño. Hoxe Vigo e A Coruña son as áreas que máis contaxios rexistran, e soamente a de Ferrol suma menos de 100 contaxiados. Hoxe chégase a un novo máximo de toda a pandemia de porcentaxe de PCR positivas, o 17,72%. A situación hospitalaria empeora respecto a onte, con 3 pacientes máis, 6 máis de UCI e 3 menos en planta. O total de pacientes é superior en 40 persoas a fai sete días. Hai unha semana había 59 hospitalizados en Galicia divididos en 47 pacientes de planta e 12 de UCI, e hoxe son 99 en total, con 79 planta e os outros 20 na unidade de críticos (6 máis que onte). Pontevedra, Ourense, Vigo e A Coruña son as áreas máis afectadas. A área herculina sobe a 1.517 casos activos, con 234 contaxios. Vigo rexistra 320 e soben a 2.130 os casos activos. Ourense suma 212 contaxiados e chega a 1.778 casos activos. Pontevedra rexistra 221 contaxios e alcanza 1.709 infectados. Estes son os datos máis relevantes de hoxe: Vigo é a área sanitaria máis afectada de Galicia con 2.130 casos activos, e Ourense é a cidade de maior incidencia, con 905. Santiago é a de menor incidencia, con 249. Os casos activos soben de 8.319 a 9.417, un aumento de 1.098 infectados. Soben de 96 a 99 as persoas hospitalizadas, 40 máis que hai unha semana. A incidencia a 14 días sobe de 297 a 338 e a incidencia a 7 sobe de 213 a 238. Hoxe sábado son 683 diagnósticos máis, máis do dobre que os 655 do sábado 10 de xullo, procedendo dun número de probas superior. Os 1.338 casos novos de hoxe son o 17,72% de diagnósticos positivos de 7.550 probas PCR, mentres que os 655 do sábado pasado eran o 9,32% de positivos de 7.021 tests. Na web de datos do Sergas di que nas últimas 24 horas confirmáronse 1.258 casos de COVID-19 por PCR, pero a diferenza entre o total de infectados desde o inicio da pandemia de hoxe (139.557) e o de onte (138.219) é de 1.338 persoas. Do mesmo xeito, os novos contaxios por área sanitaria son calculados co mesmo procedemento. Nas últimas 24 horas rexistráronse en Galicia 1.338 novos casos de SARS- CoV-2, 1 falecemento e 239 altas, o que fai que aumenten en 1.098 persoas os casos de coronavirus, pasando dos 8.319 de onte aos 9.417 de hoxe. O total de hospitalizados sobe de 96 a 99 pacientes, 6 máis en UCI e 3 menos en planta. O pasado sábado eran 59 hospitalizados, 40 menos que hoxe. O total de casos de coronavirus contabilizados polo Sergas desde o inicio da pandemia é de 139.557. Todas as áreas sanitarias empeoran Hoxe empeoran todas as áreas sanitarias de Galicia. Vigo é a máis afectada con 2.130 casos activos (+285), seguida de Ourense con 1.778 (+161), Pontevedra con 1.709 (+159), A Coruña con 1.517 (+187), Santiago con 1.137 (+161), Lugo con 797 (+97) e Ferrol con 349 (+48). Ourense é a cidade máis afectada de Galicia con 905 de incidencia, e Santiago a que menos, con 249. Incidencia nas cidades A Coruña: 268 (+34) Ferrol: 295 (+35) Lugo: 326 (+29) Ourense: 905 (+113) Pontevedra: 495 (+54) Santiago: 249 (+34) Vigo: 450 (+55) Novos contaxios por área sanitaria A Coruña: 234 Ferrol: 57 Lugo: 121 Ourense: 212 Pontevedra: 221 Santiago: 173 Vigo: 320 Total: 1.338 O total de falecementos desde o inicio chega a 2.442 persoas, 1 nas últimas 24 horas, e son 1.823 desde a nova normalidade, superando os 619 da primeira onda. O total de hospitalizados é de 99 (+3), divididos en 20 (+6) na UCI e 79 (-3) en unidades de hospitalización. O total de probas PCR realizadas é de 2.454.690, delas 7.550 nas últimas 24 horas, cun 17,72% de positivos. A semana leva 5.915 contaxios de luns a sábado, máis do dobre dos 2.991 da semana pasada. As últimas semanas terminaron con 2.991, 1.394, 758, 548, 557, 620, 850, 1.067, 1.103, 1.217, 1.288, 1.362, 1.259, 1.091, 901, 877, 985, 1.112, 1.117, 1.780, 2.498, 4.066, 7.066, 10.337 e 10.526 contaxios respectivamente.