ARRANCA O XUIZO CONTA O SALESIANO ACUSADO DE ABUSOS SEXUAIS EN CAMBADOS

-A próxima semana comeza o xuízo contra o cura dos Salesianos de Vigo acusado de abusos sexuais -A Fiscalía solicita 67 anos e medio de cárcere A vista contra o sacerdote, profesor de relixión do Colexio Salesianos de Vigo acusado de delitos de abusos sexuais a menores xa ten data e hora. Empezará o vindeiro martes, e está previsto que dure tres días, na Audiencia Provincial de Pontevedra. Solicitouse que se celebre a porta pechada, pero a sala decidirá ao comezo da sesión despois de oír ás partes. O Xulgado de Instrución número 4 de Cambados encargouse de investigar os presuntos casos de abusos por parte de S. C.V., un sacerdote que exercía como profesor no centro olívico. A maxistrada apreciou “bastantes indicios de criminalidade” na actuación do cura ao que se acusa dunha ducia de delitos sobre seis menores nun campamento de verán que tivo lugar en Cambados, e que organizara o propio colexio a través da asociación xuvenil Abertal, en 2019. No auto, a xuíza apreciara indicios de que o home pretendía “satisfacer o seu apetito sexual e de vulnerar a liberdade e indemnidad sexuais de persoas menores de 16 anos que tiña ao seu cargo”, o que lle levou a realizar tocamentos xenitais aos menores. Para facelo, valeuse da súa “superioridade xerárquica, derivada de ser sacerdote, profesor e director do campamento”. Ademais deste caso de abusos, a xuíza abriu a posibilidade de que contase con antecedentes por casos similares, con dous menores nunha peregrinación a Santiago en abril dese mesmo ano, e a outro mozo do que abusou na propia asociación o día da final da Champions. O sacerdote foi detido en xullo, tras as denuncias interpostas por varios menores, e foi apartado das súas funcións no colexio. O pasado ano, na primavera, foi posto en liberdade despois dunha serie de apelacións por parte do seu defensa. A Audiencia Provincial decretou en marzo de 2020 a súa posta en liberdade baixo fianza de 12.000 euros, ademais da retirada do pasaporte e a prohibición de achegarse ás vítimas. A Fiscalía pide 67 anos e medio de prisión. Pola súa banda, a acusación particular que exerce a Fundación Amigos de Galicia solicita 30. Os familiares de tres menores, que exercen acusación particular, reclaman 54 anos de cárcere. Hai outras dúas acusacións particulares, que representan a outros dous menores, e cada unha pide cinco anos de pena.