PONTEVEDRA-SALNÉS: LIXEIRO DESCENSO DE ENFERMOS. CAMBADOS MANTENSE

Coronavirus Pontevedra-Salnés: 9 novos infectados e baixan a 118 os casos activos A área sanitaria pontevedresa termina a semana con 14 infectados menos que a pasada. A área sanitaria pontevedresa volve restar casos activos grazas a que as altas superan aos novos contaxios, e termina a semana con 118 infectados, 14 menos que os 132 do domingo pasado. Nos últimos días subiu lixeiramente o número de contaxios en Pontevedra cidade, con 15 casos novos rexistrados na última semana. Nas últimas 24 horas producíronse 9 contaxios novos e 11 altas, o que fai que baixen en 2 persoas os casos activos, pasando de 120 a 118. Incidencia: Casos por 100.000 habitantes nos últimos 14 días nos concellos do Salnés: Cambados 3 22 Illa de Arousa 3 61 Meaño 3 57 Meis 0 0 O Grove 0 0 Ribadumia 3 59 Sanxenxo 3 17 Vilagarcía de Arousa 18 48 Vilanova de Arousa 3 29 Sobe a incidencia de Pontevedra cidade, con 28 contaxios nas últimas dúas semanas e 15 na última. Un día máis Cambados mantén os 6 enfermos activos O número de pacientes hospitalizados baixa de 9 a 8 persoas, distribuídas en 8 pacientes no CHU de Pontevedra (7 en planta e 1 na UCI), ningún no Hospital Público do Salnés e ningún no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 14.421 casos de coronavirus, con 181 falecementos, 14.122 altas e 118 casos activos nestes momentos.