CAMBADOS, O GROVE, SANXENXO E VILAGARCÍA ILUMINARANSE DE VERDE

Edificios emblemáticos de Galicia iluminaranse de verde polo Día Mundial da ELA Máis de 60 edificios, entre eles a Torre de Hércules, a Cidade da Cultura e as Fontes de Aragón en Vigo, iluminaranse de verde para visibilizar este enfermidade. Mañá, 21 de xuño celébrase o Día Mundial da ELA. Con motivo deste día, a Asociación Galega de Esclerose Lateral Amiotrófica ( AGAELA) xunto á Fundación Luzón e ao resto de asociacións pertencentes á Comunidade da ELA, lanzaron a Campaña #LuzporlaELA, na que edificios e monumentos de toda España iluminaranse de verde co obxectivo de visibilizar a enfermidade e apoiar ás persoas enfermas para concienciar á sociedade sobre as dificultades que conlevan no día a día. O ano pasado ilumináronse 305 monumentos en 210 municipios de toda España. En Galicia iluminaranse de verde máis de 60 edificios, entre os que se atopan: o Edificio Administrativo de San Caetano e a Cidade da Cultura de Galicia, a Subdelegación do Goberno de Ourense, os edificios das Deputacións da Coruña, Ourense, Pontevedra e Lugo; a Torre de Hércules e a Fonte de Catro Camiños na Coruña; o Hospital e a Fundación San Rafael; a Fonte do Paraugas e a Igrexa de Santa María de Cambre; o Castelo de Santa Cruz de Oleiros; o Concello de Cangas e Frigoríficos do Morrazo; a Porta de Carlos V en Viveiro, o Teatro Jofre de Ferrol; a Torre da Homenaxe en Monforte de Lemos; a Ponte Romana de Ourense; a Glorieta de Freixeiro en Narón; a Torre de Celas en Culleredo; a rotonda León Padín, a rotonda en homenaxe ás amas de casa e a casa do Concello en Ribeira; o Monumento á Familia Mariscadora, a Xefatura de Policía Local e a casa do concello do Grove; e as Fontes de Aragón en Vigo. Súmanse tamén as Casas dos concellos de Ames, As Pontes, Boqueixón, Brión, Cabanas, Cariño, Cedeira, Coristanco, Muros, Negreira, O Pino, Ordes, Fene, A Guarda, Baiona, Betanzos, A Estrada, Bueu, Cambados, Gondomar, Mazaricos, Moaña, Nigrán, Poio, Ponteareas, Pontevedra, Redondela, Sanxenxo, Tomiño, Tui, Sada, Foz, Lugo, Valadouro, Vilagarcía de Arousa, Palas de Rei, o Pazo de Raxoi en Santiago de Compostela. Ademais, iluminarase a Pantalla LED de Dinopíxel na Porta do Sol en Vigo, a sede de empresa Elevadores Dusa, S.L. e o Polígono de Bergondo. A ELA é unha enfermidade neurodexenerativa incurable, progresivamente, incapacitante e mortal nun prazo de 3 a 5 anos desde o seu diagnóstico, pero isto só son datos obxectivos da enfermidade. A realidade é que, En España, cada día, diagnostícanse tres novos casos de Esclerose Lateral Amiotrófica e falecen outras tres persoas en silencio.