PONTEVEDRA-SALNÉS: A ÁREA SANITARIA CONTINUA EMPEORANDO

Coronavirus Pontevedra-Salnés: 34 novos infectados e soben a 262 os casos activos

A área sanitaria continúa empeorando e Pontevedra segue subindo en incidencia. A área sanitaria pontevedresa continúa empeorando e rexistrando contaxios, centrados a gran maioría deles na cidade de Pontevedra, que pasará este sábado a nivel medio de restricións. A súa incidencia a sete días continúa aumentando. Nas últimas 24 horas producíronse 34 contaxios novos e 10 altas, o que fai que suban en 24 persoas os casos activos, pasando de 238 a 262. Incidencia: Casos por 100.000 habitantes nos últimos 14 días nos concellos do Salnés Cambados 14 102 Illa de Arousa 3 61 Meaño 3 57 Meis 3 63 O Grove 0 0 Ribadumia 3 59 Sanxenxo 12 69 Vilagarcía de Arousa 28 75 Vilanova de Arousa 12 116

Segue subindo a incidencia de Pontevedra cidade, que se mantén como a máis afectada de Galicia. Na última semana rexistráronse 82 contaxios, en comparación con 102 na anterior. Cambados sobe un caso ata os 15 enfermos activos. O número de pacientes hospitalizados sobe de 8 a 9 persoas, distribuídas en 6 pacientes no CHU de Pontevedra (3 en planta e 3 na UCI), 3 en planta no Hospital Público do Salnés e ningún no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 14.644 casos de coronavirus, con 181 falecementos, 14.201 altas e 262 casos activos nestes momentos.