UN ESPELLISMO FAI QUE BAIXEN OS ENFERMOS ACTIVOS EN GALICIA

Coronavirus Galicia: 236 contaxios novos e baixan a 5.609 os casos activos

O baixo número de probas PCR realizadas o día de Nadal fai que Galicia teña moitos menos casos novos e que todas as áreas sanitarias melloren. Termina a semana con boas noticias para Galicia polo baixo número de contaxios e o descenso en casos activos, pero hai unha parte de espellismo nisto, xa que os datos de hoxe proceden das probas PCR realizadas o 25 de decembro, menos da metade das dun venres normal. Por iso, a porcentaxe de tests positivos é altísimo e moi poucos os contaxios confirmados. Isto fixo que todas as áreas sanitarias galegas melloren hoxe, debido a que se deron máis altas. O número de hospitalizados continúa sendo máis baixo que unha semana atrás, e hoxe son 10 menos que o domingo pasado. Hoxe domingo son 101 diagnósticos menos que fai sete días, procedendo dun número de probas moi inferior, xa que son as que se fixeron o día de Nadal. Os 236 casos novos de hoxe son o 8,27% de diagnósticos positivos de 2.853 probas PCR, mentres que os 337 do sábado pasado eran o 4,21% de positivos de 8.002 tests. Na web de datos do Sergas di que nas últimas 24 horas confirmáronse 213 casos de COVID-19 por PCR, pero a diferenza entre o total de infectados desde o inicio da pandemia de hoxe (61.380) e o de onte (61.144) é de 236 persoas. Do mesmo xeito, os novos contaxios por área sanitaria son calculados co mesmo procedemento. Nas últimas 24 horas rexistráronse en Galicia 236 novos casos de SARS- CoV-2, 6 falecementos e 337 altas, o que fai que descendan en 107 persoas os casos de coronavirus, pasando dos 5.716 de onte aos 5.609 de hoxe. O total de hospitalizados aumenta en 8 persoas, de 328 a 336 pacientes. O pasado domingo eran 346 hospitalizados, 10 máis que hoxe. O total de casos de coronavirus contabilizados polo Sergas desde o inicio da pandemia é de 61.380. Todas as áreas sanitarias melloran Coronavirus A Coruña: 36 contaxios novos e baixan a 873 os casos activos Coronavirus Ferrol: 9 contaxios novos e baixan a 348 os casos activos Coronavirus Santiago: 79 contaxios novos e baixan a 1.352 os casos activos Coronavirus Vigo: 39 contaxios novos e baixan a 1.226 os casos activos Coronavirus Pontevedra: 46 contaxios novos e baixan a 896 os casos activos Coronavirus Lugo: 11 contaxios novos e baixan a 374 os casos activos Coronavirus Ourense: 16 contaxios novos e baixan a 540 os casos activos Debido ao relativamente baixo número de contaxios confirmados, hoxe todas as áreas sanitarias galegas melloran. A máis afectada segue sendo Santiago de Compostela, que ten 1.352 casos (-3), seguida de Vigo con 1.226 (-6), Pontevedra con 896 (-11), A Coruña con 873 (-28), Ourense con 540 (-18), Lugo con 374 (-7) e Ferrol con 348 (-34). Novos contaxios por área sanitaria A Coruña: 36 Ferrol: 9 Lugo: 11 Ourense: 16 Pontevedra: 46 Santiago: 79 Vigo: 39 Total: 236 O total de falecementos desde o inicio da pandemia alcanza as 1.369 persoas, 6 máis nas últimas 24 horas, e son xa 750 nesta segunda onda, superando os 619 da primeira. O total de hospitalizados é de 336 (+8), divididos en 58 (+3) na UCI e 278 (+5) en unidades de hospitalización. O total de probas PCR realizadas é de 1.091.724, delas 2.853 nas últimas 24 horas, cun 8.27% de positivos. Esta semana termina mellor que a anterior, con 2.308 casos novos de luns a sábado, en comparación cos 2.611 da semana pasada a estas alturas. Son 303 casos menos esta semana que a anterior.