SIGUE EMPEORANDO A SITUACIÓN EN GALICIA

Coronavirus Galicia: 389 contaxios novos e soben a 5.653 os casos activos

Os casos activos aumentan de novo en Galicia e os contaxios seguen sendo superiores aos de hai unha semana. Só Ferrol, Ourense e Vigo melloran. Continúa empeorando a situación da pandemia de coronavirus en Galicia con máis contaxios que o sábado da semana pasada e un novo aumento de casos activos. A gran mellora da área sanitaria de Vigo, que hoxe rexistra 137 altas, fai que os casos activos só suban en 12 persoas en toda a comunidade. Coa excepción de Vigo, Ferrol e unha lixeira mellora de Ourense, o resto das áreas sanitarias galegas empeoran. A Coruña corta un refacho de semanas, do mesmo xeito que Lugo, mentres que Santiago de Compostela e Pontevedra continúan empeorando con fartura. Hai, con todo, unha boa noticia: o número de hospitalizados baixa con fartura e sitúase en 15 persoas menos que hai unha semana. Hoxe sábado son 49 diagnósticos máis que fai sete días, procedendo de bastantes menos probas. Os 389 casos novos de hoxe son o 6,73% de diagnósticos positivos de 5.772 probas PCR, mentres que os 340 do sábado pasado eran o 4,44% de positivos de 7.653 tests. Na web de datos do Sergas di que nas últimas 24 horas confirmáronse 339 casos de COVID-19 por PCR, pero a diferenza entre o total de infectados desde o inicio da pandemia de hoxe (58.735) e o de onte (58.346) é de 389 persoas. Do mesmo xeito, os novos contaxios por área sanitaria calculámolos co mesmo procedemento. Nas últimas 24 horas rexistráronse en Galicia 389 novos casos de SARS- CoV-2, 4 falecementos e 373 altas, o que fai que suban en 12 persoas os casos de coronavirus, pasando dos 5.641 de onte aos 5.653 de hoxe. O total de hospitalizados descende en 27 persoas, de 364 a 337 pacientes. O pasado sábado eran 352 hospitalizados, 15 máis que hoxe. O total de casos de coronavirus contabilizados polo Sergas desde o inicio da pandemia é de 58.735. Hoxe A Coruña e Lugo, que adoitaban ser as excepcións ao resto de Galicia, frean a súa boa marcha e empeoran. A área máis afectada é aínda Vigo con 1.247 casos (-55), seguida por Santiago con 1.195 (+51), Pontevedra con 925 (+28), A Coruña con 870 (+9), Ferrol con 534 (-22), Ourense con 478 (-2) e Lugo con 404 (+3). Novos contaxios por área sanitaria A Coruña: 77 Ferrol: 10 Lugo: 31 Ourense: 23 Pontevedra: 64 Santiago: 101 Vigo: 83 Total: 389 O total de falecementos desde o inicio da pandemia alcanza as 1.336 persoas, 4 máis nas últimas 24 horas, e son xa 717 nesta segunda onda, superando os 619 da primeira. O total de hospitalizados é de 337 (-27), divididos en 56 (+1) na UCI e 281 (-28) en unidades de hospitalización. O total de probas PCR realizadas é de 1.030.997, delas 5.772 nas últimas 24 horas, cun 6,73% de positivos. Esta semana xa ten peores datos que toda a semana anterior a falta do que se comunique mañá domingo. Sumando os seis primeiros días producíronse 2.274 novos contaxios, en comparación cos 1.863 da semana pasada a estas alturas. Son 411 contaxios máis de luns a sábado.