PONTEVEDRA-SALNÉS: MELLORA A ÁREA E MELLORA MOITO CAMBADOS

Coronavirus Pontevedra: 39 contaxios novos e baixan a 907 os casos activos.

A área sanitaria pontevedresa continúa estabilizada nun número similar de casos e está un pouco mellor que o sábado pasado. Mellora a área sanitaria de Pontevedra e segue estabilizada en 900 e poucos casos desde hai días. A cidade de Pontevedra continúa estando relativamente ben en comparación co resto da área, mentres o Sergas continúa realizando cribados en municipios como Vilagarcía ou O Grove. A Illa de Arousa xa está en 2.030 de incidencia. Cambados baixa dos 30 casos desde hai semanas e sitúase en 28, 5 menos que onte. Unha baixada de 10 casos en tres días. Nas últimas 24 horas producíronse 39 contaxios novos, 1 falecemento ( unha muller de 91 anos de Vilanova de Arousa) e 53 altas, o que fai que descendan en 15 os casos activos, pasando de 922 a 907. Pontevedra cidade volve baixar en incidencia e de novo é a quinta cidade menos afectada. Dentro da área sanitaria A Illa de Arousa continúa sendo a zona máis afectada, con 100 casos nos últimos 14 días. O número de pacientes hospitalizados sobe de 48 a 54 persoas, distribuídas en 38 pacientes no CHU de Pontevedra (32 en planta e 9 na UCI), 11 no Hospital Público do Salnés e 2 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 6.739 casos de coronavirus, con 77 falecementos, 5.755 altas e 907 casos activos nestes momentos.

Casos a 14 días e Incidencia Acumulada nos concellos do Salnés: 

Cambados 27 196 Illa de Arousa 10 2 030 Meaño 18 341 Meis 3 63 O Grove 58 545 Ribadumia 3 59 Sanxenxo 53 306 Vilagarcía de Arousa 113 302 Vilanova de Arousa 3 29