PONTEVEDRA-SALNÉS: MÁIS DE 80 CASOS QUE A SEMANA PASADA

Coronavirus Pontevedra: 58 contaxios novos e soben a 936 os casos activos

A semana termina con 85 casos activos máis na área sanitaria de Pontevedra e O Salnés. Continúa empeorando a área sanitaria de Pontevedra debido á alta incidencia de localidades como A Illa de Arousa, Bueu, O Grove, Soutomaior, Sanxenxo ou Vilagarcía de Arousa, onde se están producindo numerosos contaxios nos últimos días. Pontevedra cidade mantense cunha incidencia relativamente baixa, aínda que segue sendo a urbe máis afectada de Galicia.

Salnés

A Illa de Arousa (+5, 68) 
O Grove (+6, 66)

Vilagarcía (+7, 131) 
Cambados (+1, 37)
Vilanova (8 enfermos)

Meaño (16, totais)

Ribadumia e Meis entre 1 e 9 casos. A Xunta non especifica

Estes datos non son exactos posto que son tomados a 14 días, pero aproxímanse aos reais. 

Nas últimas 24 horas producíronse 58 contaxios novos, 2 falecementos ( non CHOP de Pontevedra, unha muller de 87 anos e un home de 97 anos, ambos con patoloxías previas) e 45 altas, o que fai que suban en 11 os casos activos, pasando de 925 a 936. A situación na cidade de Pontevedra mellora lixeiramente, pero na área sanitaria continúa empeorando. A Illa de Arousa xa ten 1.320 de incidencia, Bueu 633 e O Grove 582. O número de pacientes hospitalizados sobe de 45 a 48 persoas, distribuídas en 39 pacientes no CHU de Pontevedra (31 en planta e 8 na UCI), 6 no Hospital Público do Salnés e 3 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 6.475 casos de coronavirus, con 75 falecementos, 5.464 altas e 936 casos activos nestes momentos.