74 POSITIVOS POR COVID ENTRE A COMUNIDADE EDUCATIVA DO SALNÉS

Permanecen pechados tres centros educativos en Galicia, todas elas escolas infantís: Barrio Sésamo 4 de Lugo, Chiquis de Pontevedra e Cáritas Tui-Vigo.

O número de aulas en corentena en Galicia pola incidencia da pandemia ascenden a 66, tres máis que o día anterior nunha xornada na que tamén se incrementa o cómputo global de casos de covid-19 na comunidade educativa. Segundo a última actualización de datos difundida pola Xunta na mañá de onte, os centros educativos da comunidade teñen 867 casos activos, dez máis que 24 horas antes. Así, mantéñense tres escolas infantís clausuradas (Barrio Sésamo 4 de Lugo, Chiquis de Pontevedra e Cáritas Tui-Vigo da cidade olívica) e 66 unidades educativas atópanse en corentena. O centro con maior incidencia de Galicia mantense unha xornada máis na área da Coruña. En concreto, trátase do CPR Plurilingüe A Grande Obra de Atocha, cun total de 23 positivos (un máis con respecto ao venres), pero cunha soa aula pechada (sen cambios). Tras este, está o CIFP Manuel Antonio de Vigo, con 13 infectados (sen cambios), o IES Fin do Camiño de Fisterra (A Coruña), con outros 12 (sen cambios), e o IES Castro Alobre de Vilagarcía e o Pedra dá Aguia de Camariñas (A Coruña), ambos con 11. Por áreas, a de Vigo continúa como a máis afectada cun total de 202 persoas vinculadas a centros educativos contaxiadas, oito máis que un día atrás. Ademais, as aulas en corentena tamén soben respecto a xornada anterior e son unha máis: 14. Tras a viguesa está a área de Santiago, que suma 163 casos de covid (oito máis) e dez aulas clausuradas (dúas máis). Neste distrito sanitario destaca a situación do CPR Plurilingüe María Assumpta de Noia, no que se contabilizan oito casos. Despois atópase a área de Pontevedra, onde hai 153 positivos por coronavirus (dous menos) que obrigaron a pechar nove aulas (unha máis). Tras ela está o distrito sanitario da Coruña con 148 casos (catro máis) e 11 unidades en corentena (unha menos). Por baixo do centenar de casos de covid-19 nos centros educativos están Ourense, Lugo e Ferrol. Esta última contabiliza 70 contaxiados, unha baixada de tres con respecto ao xoves, e sete unidades pechadas (sen cambios). O caso máis grave é o do CEIP Plurilingüe A Magdalena das Pontes, cun total de 10 positivos e unha clase en corentena. Na área de Lugo son 63 positivos (menos 7) que obrigan a manter oito clases pechadas (sen cambios). O CEIP Plurilingüe de Xermade, con nove contaxiados e tres aulas pechadas, é o centro máis afectado do distrito lugués. Finalmente, a área de Ourense mantéñense con 68 nos seus centros educativos, sen cambios respecto ao día anterior, aínda que baixan a sete as aulas en corentena (unha menos). Nesta provincia, a peor situación tena o IES Cosme López Rodríguez, con cinco casos. Na comarca do Salnés contabilizáronse 74 persoas infectadas de COVID no ámbito educativo, das cales 34 pertencen a Vilagarcía (11 son do IES Castro Alobre).Séguelle O Grove con once casos, Cambados con dez, Sanxenxo con nove, A Illa de Arousa con tres, Ribadumia con dous e Vilanova, un.

Centros e alumnos afectados

O GROVE E.I O Grove 1 SANXENXO E.I Municipal O Revel 1 A ILLA DE AROUSA CEIP da Torre-Illa 1 A ILLA DE AROUSA IES da Illa de Arousa 2 CAMBADOS CEIP Castrelo 1 CAMBADOS CEIP E. Barreiro 1 CAMBADOS CEP A. Magariños 2 CAMBADOS EEI Modia 1 CAMBADOS IES Francisco Asorey 1 CAMBADOS IES Ramón Cabanillas 4 MEAÑO CEIP de Coirón-Dena 2 O GROVE CEIP Rosalía de Castro 8 O GROVE IES Monte da Vila 3 RIBADUMIA CPI Julia Becerra Malvar 2 SANXENXO CEIP de Portonovo 1 SANXENXO CPR Plurilingüe Abrente 4 SANXENXO IES de Vilalonga 4 VILAGARCÍA DE AROUSA CEIP A Escardia 2 VILAGARCÍA DE AROUSA CEIP A Lomba 1 VILAGARCÍA DE AROUSA CEIP Arealonga 2 VILAGARCÍA DE AROUSA CEIP de Vilaxoán 3 VILAGARCÍA DE AROUSA CEIP O Piñeiriño 3 VILAGARCÍA DE AROUSA CEIP Rosalía de Castro 2 VILAGARCÍA DE AROUSA IES Armando Cotarelo 4 VILAGARCÍA DE AROUSA IES Castro Alobre 11 VILAGARCÍA DE AROUSA IES Fermín Bouza Brey 5 VILAGARCÍA DE AROUSA IES Miguel Á.González 1 VILANOVA DE AROUSA IES A Basella 1