NOVO FALECEMENTO NA ÁREA PONTEVEDRA-SALNÉS

A Consellería de Sanidade notificou na noite deste domingo outros tres falecidos por coronavirus nas últimas horas, que elevan o cómputo global de Galicia desde o inicio da pandemia a 1.341 vítimas.

Os tres mortos rexistrados este domingo en hospitais galegos supoñen un máis que os dous notificados na tarde do sábado --cifra máis baixa desde o 28 de novembro), aínda que son menos que os catro do venres e os cinco do xoves. En concreto, estas tres novas vítimas da pandemia do coronavirus trátase dunha muller de 96 anos que faleceu no Complexo Hospitalario Universitario de Santiago (CHUS), outra de 85 no Complexo Hospitalario Universitario de Ourense ( CHUO) e un home de 77 anos no de Pontevedra (CHOP). Todos eles contaban con patoloxías previas, segundo precisou a Consellería.