SIGUEN BAIXANDO OS ENFERMOS, CASE 1000 MENOS QUE HAI UNHA SEMANA

Coronavirus Galicia: 363 contaxios novos e baixan a 8.211 os casos activos

Todas as áreas galegas melloran, menos Lugo, e baixan notablemente os casos activos e os hospitalizados. Novo día de boas noticias para a evolución da pandemia de coronavirus en Galicia. Hoxe sábado volven baixar considerablemente os casos activos e os hospitalizados, e rexístranse moitos menos casos novos de COVID-19 que hai unha semana, cun número de probas PCR similar. A incidencia de Galicia baixa, e mellora particularmente nalgunhas zonas urbanas. Hoxe todas as áreas sanitarias melloran, salvo Lugo. Os 363 diagnósticos novos de hoxe son o 5,18% de positivos de 7.005 probas PCR, mentres que os 582 do sábado pasado supoñían o 8,2% de 7.089 probas. A mellora é moi notable, e a clave é a decrecente porcentaxe de positivos nas probas. Na web de datos do Sergas di que nas últimas 24 horas confirmáronse 355 de COVID-19 por PCR, pero a diferenza entre o total de infectados desde o inicio da pandemia de hoxe (51.610) e o de onte (51.247) é de 363 persoas. Do mesmo xeito, os novos contaxios por área sanitaria calculámolos co mesmo procedemento. Nas últimas 24 horas rexistráronse en Galicia 363 novos casos de SARS- CoV-2, 12 falecementos e 592 altas, o que fai que baixen en 241 persoas os casos de coronavirus, pasando dos 8.452 de onte aos 8.211 de hoxe. O total de hospitalizados baixa en 28 persoas e pasa dos 497 de onte aos 469 de hoxe. O sábado pasado eran 534, 65 máis que hoxe. O total de casos de coronavirus contabilizados polo Sergas desde o inicio da pandemia é de 51.610. Todas as áreas melloran, menos a de Lugo. Coronavirus A Coruña: 80 contaxios novos e baixan a 1.697 os casos activos Coronavirus Ferrol: 10 contaxios novos e baixan a 706 os casos activos Coronavirus Santiago: 49 contaxios novos e baixan a 898 os casos activos Coronavirus Vigo: 77 contaxios novos e baixan a 2.168 os casos activos Coronavirus Pontevedra: 56 contaxios novos e baixan a 1.167 os casos activos Coronavirus Lugo: 71 contaxios novos e soben a 1.065 os casos activos Coronavirus Ourense: 20 contaxios novos e baixan a 510 os casos activos Por áreas sanitarias, a máis afectada é Vigo con 2.168 (100 menos que onte), seguida pola Coruña con 1.697 (-27), Pontevedra con 1.167 (-33), Lugo con 1.065 (+5), Santiago con 898 (-32), Ferrol con 706 (-31) e Ourense con 510 (-23). Novos contaxios por áreas sanitarias A Coruña: 80 Ferrol: 10 Lugo: 71 Ourense: 20 Pontevedra: 56 Santiago: 49 Vigo: 77 Total: 363 O total de mortes desde o inicio da pandemia é de 1.191, 12 máis que no día de onte, correspondendo 572 a esta segunda onda da pandemia. O total de hospitalizados é de 469, 28 menos que onte, divididos en 85 pacientes de UCI e 384 en unidades de hospitalización. O total de probas PCR realizadas é de 887.679, delas 7.005 no día de onte, cun 5,18% de positivos. Esta semana, salvo unha catástrofe nos datos de mañá, terminará moito mellor que a anterior. De luns a sábado rexistráronse 2.449 casos novos, fronte aos 3.334 dos seis primeiros días da semana anterior.