PEQUENO REPUNTE DE ACTIVOS DESDE ONTE EN GALICIA

Coronavirus Galicia: 662 contaxios novos e soben a 9.554 os casos activos

Galicia corta a súa boa marcha debido ao alto crecemento en casos en Vigo e en Lugo. Baixan notablemente os hospitalizados. Paso atrás na evolución do coronavirus en Galicia debido a que soben os casos activos por primeira vez nunha semana, e aumentan en 22 os infectados ata volver a xusto os 9.554 casos que había antonte. O motivo é que se produciron máis contaxios novos do esperado debido ao brote nunha residencia de anciáns en Mos, na área sanitaria de Vigo, e un inusual crecemento de casos en Lugo, que suma 115 casos novos tras varios días cun número de contaxios moito menor. Non todo son malas noticias. Os hospitalizados baixan en 22 persoas e é o terceiro día seguido que o fan, e a cifra de novos contaxios de hoxe é aínda así menor (en 4 casos) que os 666 comunicados o sábado pasado. Estes 662 positivos son o 7,35% de probas positivas de 9.003 test realizados, en comparación cos 666 contaxios do sábado pasado, que foron o 8,35% de positivos de 7.976 tests. Na web de datos do Sergas di que nas últimas 24 horas confirmáronse 640 de COVID-19 por PCR, pero a diferenza entre o total de infectados desde o inicio da pandemia de hoxe (44.864) e o de onte (44.202) é de 662 persoas. Do mesmo xeito, os novos contaxios por área sanitaria son calculados co mesmo procedemento. Nas últimas 24 horas rexistráronse en Galicia 662 novos casos de SARS- CoV-2, 10 falecementos e 630 altas, o que fai que suban en 22 persoas os casos de coronavirus, pasando dos 9.532 de onte aos 9.554 de hoxe, xusto o mesmo dato que antonte. O total de hospitalizados diminúe en 22 persoas e pasa dos 590 de onte aos 568 hoxe. É o terceiro día consecutivo baixando. O total de casos de coronavirus contabilizados polo Sergas desde o inicio da pandemia é de 44.863. Ferrol, Ourense e Santiago continúan mellorando Coronavirus A Coruña: 113 contaxios novos e soben a 1.857 os casos activos Coronavirus Ferrol: 48 contaxios novos e baixan a 872 os casos activos Coronavirus Santiago: Teo baixa a alerta laranxa, 57 contaxios e baixan a 1.085 os activos Coronavirus Vigo: Moaña en alerta vermella, 219 contaxios e soben a 2.508 os casos activos Coronavirus Pontevedra: 67 contaxios e soben a 1.277 os casos activos Por áreas sanitarias, continúa sendo Vigo a máis afectada e volve marcar un máximo, con 2.508 casos activos (+58). Séguelle A Coruña con 1.847 (+7), Pontevedra con 1.277 (+7), Lugo con 1.109 (+56), Santiago con 1.085 (-45), Ferrol con 872 (-43) e Ourense con 856 (-18). Novos contaxios por áreas sanitarias A Coruña: 113 Ferrol: 48 Lugo: 115 Ourense: 44 Pontevedra: 67 Santiago: 57 Vigo: 219 Total: 661 O total de falecidos en Galicia chega aos 1.056 tras 10 novos decesos, que fan un total de 437 en nova normalidade. O total de hospitalizados é de 568 persoas, divididos en 100 na UCI e 468 en unidades de hospitalización. O total de probas PCR realizadas é de 789.671, 9.003 no día de onte, cun 7,35% de positivos. O total de casos novos esta semana de luns a sábado é de 3.111, unha cifra menor que os 3.844 rexistrados nos seis primeiros días da semana pasada.